《壯志凌雲２》預告致敬原作經典鏡頭 睇到熱血沸騰
又可以睇湯告魯斯打排球喇！
網上圖片
荷李活男星湯告魯斯喺一九八六嘅成名作《壯志凌雲》（Top Gun），相隔多年終於拍板開拍續集，但導演東尼史葛（Tony Scott）喺二零一二年自殺離世，押後拍攝。不過，今日終於可以睇到《壯志凌雲2》（Top Gun: Maverick）嘅首條預告片。
網上圖片
喺預告見到湯告魯斯飾演嘅海軍航空隊機師歸隊，畀飾演上司艾哈里斯（Ed Harris）質疑，問佢點解咁多年都仲係上尉冇升過職，靚佬湯就答：「人生就係咁神秘。」喺預告入面當然仲會見到好多靚佬湯揸戰機嘅英姿，喺航空母艦起飛，越過大海、沙漠同冰山。仲會見到同上集致敬嘅鏡頭，例如：靚佬湯喺機場揸電單車，追住起飛嘅戰機，配合埋Harold Faltermeyer嘅原作經典配樂，啲回憶當堂返晒嚟。
網上圖片
不過，第一集《壯志凌雲》最經嘅場面就一定係湯告魯斯打排球，唔知今集會唔會重現返呢一幕。
網上圖片
《壯志凌雲2》嘅導演工作就由《創戰紀》導演約瑟高斯基（Joseph Kosinski）接手，而上集嘅「雪人」韋基馬都會再次現身。不過，上集嘅女主角姬莉麥基里斯(Kelly McGillis)今集就未必會再登場，事關佢今年已經六十三歲，青春不再，令人唏噓。
網上圖片
