【反斗奇兵4】淨係呢場戲都畫左成千五幅Storyboard？彼思公開製作動畫七大流程
做套動畫要搞多嘢，入場支持下都係好應該。
網上圖片
《反斗奇兵4》大受全球影歡迎，但係動畫製作係相當艱巨嘅過程，淨係「招攬勁爆公爵」嘅一場戲都已經畫左1530張Storyboard。最近官方就公開左製作動畫場景嘅七大步驟，包括：故事、美術、場景、設定、動畫、燈光同特效。
1.故事
網上圖片
呢張Storyboard係畫師Aphton Corbin為左「招攬勁爆公爵」呢一場戲而畫，故事圖板（Storyboard）嘅用嚟預先將劇本影像化。之後再由故事剪輯部將成場戲嘅故事圖板排列出嚟，睇下點樣控展場面節奏同故事發展。淨係為左呢一場戲就已經畫左1530張故事圖板，而成部電影總共畫左145389張故事圖板。
2.美術
網上圖片
當落實左故事線後，美術部門就會為影片嘅風格同顏色調。呢幅係由美術人員John Lee製作嘅美術概念圖，展示左佢為角色同背景嘅色彩同設計嘅方向。呢一場就係胡廸同寶貝入去彈珠機揾勁爆公爵。
3.場景
網上圖片
場景就係畀美術部門作參考用，美術人員就會為場景同角色嘅形態製作電影模型。之後再用電腦程式為場景增加質感、顏色、圖案同埋物料特性，營造返個層次感。
4.場面設定
網上圖片
呢幅圖展示左「場面設定」階段，即係喺場景入面擺虛擬攝影機。喺場景嘅角色就會配合鏡頭擺好唔同嘅動作姿勢，畀導演、剪接同動畫師去設計畫面構圖、演繹方式同時間長度。
5.動畫
網上圖片
完成場景設定之後，就由動畫部為角色賦予生命。動畫師通常會以自己或者配音員嘅形象做參考，打造角色嘅咀形、表情同動作。製作一個動畫畫面，起碼要用四至六個星期。但係因為呢個畫面比較複雜，所以彼思團隊用左八個星期先搞得掂。
6.燈光
網上圖片
燈光部將角色、場景、特效所有元素結合，製作最後嘅完整嘅畫面。打燈過程就係將虛擬嘅光源擺入場景，為角色同背景加入光線。燈光效光可以為觀眾凸出故事重點，同埋營造氣氛。一般動畫電影每秒畫面要用24幅嘅打燈影像，而每幅嘅影像就有2萬像素。
7.特效同完成影像
網上圖片
喺呢最後完成影像見到嘅自然元素，例如塵粒，都係由特效部門打造。特效人員用軟件模仿唔同物質嘅物理狀態，令角色同場景更加真實，令觀眾睇得更投入。
