• U生活

【Marvel《上氣》】戴齊十隻戒指打爆鐵甲奇俠 反派「滿大人」究竟係乜水？

2019年07月23日 05:07 pm

Leng Zai @ UPower

之前有傳過由「宇宙最強」飾演滿大人，由偉仔嚟演又會唔會更好打呢？

MCU宣布展開第四階段嘅計畫，當中最受香港影迷注目就係由梁朝偉飾演《上氣》反派滿大人。喺《鐵甲奇俠3》嘅時候，滿大人都曾經亮相，由《甘地傳》影帝賓·京士利飾演，不過電影嘅角色設定令到漫畫迷非常不滿。而家Marvel Studios重新推出呢個經典角色，相信可以令一眾影迷再次感受滿大人嘅真正氣質。

喺漫畫入面嘅滿大人（Mandarin）嘅原名叫Khan，由Stan Lee同Don Heck一齊創作，呢個角色喺1964年嘅第50期嘅《Tales of Suspense》首次登場。滿大人喺民國初年，佢老豆係中國富豪，兼係成吉思汗嘅後裔，阿媽就係有英國血統嘅貴族。滿大人自細雙親離世，由姑媽湊大，一直都接受接受科學同功夫嘅訓練，但後來政局變天，令滿大人失去一切，令佢一心報復世界同毀滅人類文明。

滿大人為左「報仇」，不惜踏足禁地Valley of Spirits，揾到龍形生物Axonn-Karr嘅遺骸同飛船，佢喺船入面揾到十隻有強大法力嘅戒指，而呢十隻戒指應該係《上氣》嘅其中一樣主要嘅物件。Axonn-Karr係嚟自Maklu IV星球，喺幾世紀前去到地球。

滿大人拎左十隻戒指之後就不停鑽研Makluan，佢成功發現戒指嘅能力之後就開展征服地球嘅計劃。佢開頭只係計劃要偷取同破壞由鐵甲奇俠造嘅導彈同監察用嘅飛機。後來東尼史達知道之後就去中國調查滿大人嘅低細，而佢將鐵甲奇俠視為佂服地嘅最大障礙。

喺開嘅戰鬥中，兩個人都分唔出勝負。雖然滿大人成功捉左鐵甲奇俠︳但都殺唔到。鐵甲奇俠雖然成功阻止到滿大人嘅種種陰謀，但始終有辦法完全消滅佢。自幼習武嘅滿大人本身就已經好犀利，加埋十隻戒指之後就更加所向披靡。十隻戒指嘅能力各有不同，就東尼史達着埋盔甲都唔夠打。

本身係武林高手嘅滿大人，再加埋十隻戒指嘅威力，可以一掌打碎鐵甲奇俠嘅盔甲。但係鐵甲奇俠喺《復仇者聯盟4》已經死左，而且羅拔唐尼講到明唔會再演鐵甲奇俠，相信喺《上氣》兩大角色唔會同場對壘。而電影《上氣》嘅故事係點樣展開，就要等官方公布。