「小丑」祖昆馮力士訂婚 不論現任定前度一樣咁索
可能係因為演技出眾，多才多藝，先會識到咁多靚女。
網上圖片
DC嘅獨立電影《Joker》將會喺十月上畫，早前已經公布左第一條預告，男主角祖昆馮力士（Joaquin Phoenix）被視為奧斯影帝大熱。
網上圖片
祖昆馮力士情場事業兩得意，佢最近就同拍左三年拖嘅女朋友朗妮瑪娜（Rooney Mara）訂婚，朗妮因為主演美國版嘅《龍紋身的女孩》而成名。今次就同大家一齊回顧下祖昆每段嘅戀情，原來佢嘅現任同前度都係靚女，艷福斐淺。
朗妮瑪娜（Rooney Mara）
網上圖片
祖昆馮力士同朗妮瑪娜其實都多次合作，直到拍攝《耶穌的女門徒》（Mary Magdalene）燃起愛火。兩人喺二零一六年開始拍拖，最近終於宣報訂婚。祖昆同朗妮平日生活都比較低調，相當之襯。
莉芙泰萊（Liv Tyler）
網上圖片
莉芙泰萊喺一九九五年嘅時候就開始同祖昆拍拖，莉芙嘅代表作係《魔戒》系列嘅精靈公主。佢地喺一九九七年上畫嘅《Inventing the Abbotts》合作之後一齊，但一年後就分手。
亞美娜華納（Amelia Warner）
網上圖片
現年三十七歲嘅亞美娜係《格雷的五十道色戒》系列男主角占美多倫（Jamie Dornan）嘅老婆。佢同祖昆喺二千年短暫拍拍拖。
安娜費（Anna Friel）
網上圖片
現年四十三歲嘅安娜費曾經提名過金球獎影后，以前為著名雜誌《Vanity Fair》拍攝性感封面同寫真。佢同祖昆喺一九九九年傳出緋聞，不過兩個人都冇承認過。
Allie Teilz
網上圖片
現年二十五歲嘅DJ Allie Teilz，後生過祖昆二十年，兩個人喺二零一三年拍拖，仲不時高調放閃，但係一年之後就分手。
