《古惑仔》新一期封面呼應時局 原來電影都一樣金句百出
如有雷同純屬……
網上圖片
連載多年嘅《古惑仔》一直由牛佬主編，近日《古惑仔》漫畫喺Facebook專頁度預告左最一期嘅漫畫封面，見到一班白衫人舉棍同鐵通亂毆群眾，令人諗起721嘅元朗。除左漫畫之外，而改編電影《古惑仔》系列，都一樣因應時局而創作劇本，從而反映現實，得到粉絲共鳴。
網上圖片
牛佬嘅《古惑仔》一直都反映緊香港社會問題，嚟緊七月廿五日嘅新一期漫畫，以「拯救金尊貴」做標題，封面就有無數白衫人，手持武器戴埋頭盔，襲擊市民。《古惑仔》之前就以「反送中」嘅示威做背景，早前漫畫就以「出嚟隻揪」做主題，呼應時事。喺二零一四年雨傘運動嘅時候，《古惑仔》都過以紋身差人嚟反映黑警問題，而且仲以陳浩南舉起黃遮嘅原畫，以示支持公民抗命。
網上圖片
下期除左封面之外，劇情都一樣緊要，因為而家劇情已經發展到香港畀台灣毒蛇幫入侵，僭伏喺十八入面，而陳浩南就要帶領大家用行動光復十八區。
網上圖片
而電影《古惑仔》都一樣係反映時局變化，例如《98古惑仔之龍爭虎鬥》，大佬蔣天養就同陳浩南講過：「蔣家樹大招風，佢地喺北京嗰邊已經?實我地。」「做生意食腦，行古惑亦都食腦，同啲京官打交道一樣要食腦」淨係呢幾句對白已經反映到九七年之後，黑社會嘅轉變，邊個先係社團真正辦事人不言而喻。
