【動物台】《獅子王》電影角色嘅原型動物究竟點? 原來丁滿可以百毒不侵

Leng Zai @ UPower

今次嘅《獅子王》可謂CG版嘅Discovery Channel。

網上圖片

《獅子王》近日正式上畫,除左主角辛巴之外,其他角色都一樣咁受歡迎,尤其係丁滿與彭彭呢個組合。咁今次就同大家分享下佢地嘅「原型」係點樣嘅動物。

彭彭(Pumbaa)

網上圖片

豬仔彭彭同丁滿一齊住辛巴走過人生低谷,三個都係交心知己。彭彭嘅原型係非洲疣豬,因為面上有疣而叫呢個名,主要棲息喺非洲大草原、熱帶雨林同沙漠。而且非洲疣豬非常襟捱,係地球上惟一幾個月唔飲水都仲可以生存嘅豬。

網上圖片

非洲疣豬係高度居嘅動物,佢地擅於掘窿,基本係穴居。一來避開天敵,二來可以擋太陽。而且疣豬非常聰明,返屋企嘅時候倒後行返去洞穴,掩飾腳印防止天敵尾隨。朝早出去揾食嘅時候就會用最開速度衝出去,避開埋伏喺四圍嘅獵食者。疣豬嘅天敵係獅子,但係當佢地發爛渣嘅時候連獵豹都唔夠揪。所以喺電影最關鍵時刻,彭彭出手幫左辛巴。

沙祖(Zazu)

網上圖片

《獅子王》兩代忠臣沙祖嘅原型係黃嘴犀鳥,最大特徵就係有黃色嘅長喙。雖然黃嘴犀鳥個口好大,但因為條脷太短,所以食唔到嘴尖嘅食物,每次都要岳高個頭吞嘢食。而且,通常黃嘴犀鳥唔飲,只會喺食物入面吸收水份。

刀疤跟班斑鬣狗

網上圖片

《獅子王》最大反派刀疤嘅跟班斑鬣狗,佢地可以發出十一種唔同意思嘅聲音,而且非常神經質,喺非洲文化入面仲視為邪惡嘅象徵,相信呢啲都係令佢地成為反派嘅原因。不過喺非洲某啲地方,有部分會將斑鬣狗當寵物咁養。

網上圖片

斑鬣狗擁有強力嘅牙同胃酸,特殊嘅體質令佢地就食咩都唔會畀病毒感染,所以平時都食唔同嘅腐肉維生,連骨都可食埋。正宗「食人唔?骨」。

丁滿(Timon)

網上圖片

最後就係人氣高企嘅丁滿,因為佢嘅原型狐獴本身都已經相當可愛,非常討人歡喜。狐獴天生嘅「黑眼圈」其實係好有用,主要係用嚟避開陽光同獵食者。佢地嘅耳仔仲可以擋住風砂,而最明顯嘅長尾就係幫佢地企直個身。除此之外,狐獴一樣都唔怕蠍子同毒蛇嘅毒液。

Facebook Conversations