《繼園臺七號》楊凡十年磨一劍打造香港史詩愛情故事 首部入圍威尼斯嘅香港動畫
以六七暴動為背景嘅香港動畫長片，過多幾年都未必會有機會睇。
網上圖片
香港導演楊凡執導嘅《繼園臺七號》，最近宣布入圍第七十六屆威尼斯影展主競賽單元，成為史上首部挑戰金獅獎嘅華語動畫，而且仲入選埋多倫多國際電影節特別展映單，為香港電影揚威國際。
網上圖片
其實楊凡喺二零零九年就已經開始籌備《繼園臺七號》，仲成立埋「花生映社」公司去製作呢部動畫。十年磨一劍，只為製一部香港動畫。《繼園臺七號》故事以六七暴動背景，講述一個大學生、單親媽媽、同佢個女之間嘅三角戀，喺六十年代香港嘅繁榮背後，翻天覆地嘅危機隨時爆發，香港人只可以喺暗湧之中尋求生存空間。
網上圖片
喺呢段分半鐘嘅預告入面見到，成個六十年嘅香港重現喺大銀幕。《繼園臺七號》配音陣容鼎盛，包括：吳彥祖、馮德倫、張艾嘉、張孝全、林德信、田壯壯、章小蕙等。《繼園臺七號》總共125分鐘片長，喺製作過程當中，動畫師先用碳粉鉛筆喺宣紙畫返六十年代嘅香港街景，再用電腦上色，呈現出已不復存在嘅香港。
網上圖片
楊凡為香港電影新浪潮嘅代表導演之一，以唯美嘅拍攝風格見稱，代表作包括：《少女日記》、《流金歲月》、《美少年の戀》、《遊園驚夢》、《淚王子》等。過往香港電影喺國壇影壇素來有重要地位，但近年為左中國市場，不惜放棄自身優勢，搞到精彩佳作買少見少，《繼園臺七號》絕對係罕有嘅誠意之作。
網上圖片
