有冇見過差利素顏咩樣？鐵甲奇俠扮過差利之餘仲幾乎贏埋奧斯卡？
差利素顏靚過化妝，都算罕見。
網上圖片
史上其中一位最重要嘅喜劇演員差利卓別靈，因為佢出色嘅演技同造型，差利嘅形象至今仍然烙印喺每位觀眾嘅心裡面，都係現今每個喜劇演員嘅表演教材。平時見到嘅差利都係化晒妝、戴頂圓帽仔同留埋撇鬚，佢嘅形象已經深入流行文化之中，成為經典。但原來落左妝嘅差利係個靚仔！
網上圖片
差利喺1889年出世，從演生涯逾七十年，生平經典演出無數，為第一代國際知名巨星，風靡全球觀眾。差利形象獨特，喺世界各地唔同嘅演員都爭相仿傚。差利雖然過左生四十年，但全世界唔同年紀嘅觀眾都鍾意差利，最近有網友翻查舊相，意外發現到差利落左妝之後嘅樣，其實差利相當俊俏（只不過係矮左少少），濃眉大眼兼高鼻，即使化埋近乎小丑妝都唔會覺得突兀，原因係天生麗質。
網上圖片
差利嘅爸爸係一個劇院嘅成功歌手，媽媽喺劇場做演員，後來爸爸因為酗酒而過生，自同其他兄弟同媽媽一齊生活。差利喺四歲嘅時候，因為媽媽失聲而要代佢上台表現，開始左佢演藝之路。後來因為媽媽患上精神病而被送入精神病院，差利就去孤兒院。大個之後做過唔同散工，機緣巧之下，差利成為雜技團嘅小丑。其後喺1912年佢跟雜技團過美國，開始左佢嘅電影之路。
網上圖片
喺差利成名之後，喺1920年佢接左精神病嘅阿媽過美國，由佢同其他兄弟一齊照顧阿媽，直到佢阿媽1928過生。差利一生有無數作品都備受讚賞，包括：浪漫愛情片《城市之光》、為工人階級發聲嘅《摩登時代》、正面抨擊希特拉之作嘅《大獨裁者》、同另一位世界頂級喜劇之王巴士達基頓（Buster Keaton）合作嘅《舞臺春秋》、最後一部導演作品，係同香港有關嘅《香港女伯爵》。
網上圖片
好多演員都模仿過差利，其中「鐵甲奇俠」羅拔唐尼就喺1992年上畫嘅《卓別靈傳》扮差利，當年仲得到奧斯卡影帝提名。喺《卓別靈傳》仲會由佢個女潔若婷卓別靈飾演返差利個阿媽，即佢阿嫲。
網上圖片
