勁得意！各國BB大激鬥 賽跑舉重吊環瓣瓣掂
雖然里約奧運完咗無幾耐，但係國際奧委會為咗滿足大家睇運動比賽嘅癮，日前上載「最可愛奧運」短片，由不同國家的BB大鬥法，參與包括10米「賽行」、吊環、舉重及跨欄比賽，勁可愛！
影片截圖
影片截圖
影片中的BB均穿上代表自己國家的迷你運動服，以輕鬆形式進行大激鬥。他們先進行10米「賽行」，最終由中國BB成功「壓線」勝出賽事，頗有影射劉翔的意味。其後亦有美國女童勝出吊環、德國小男孩單手舉重，以及法國BB推倒欄架獲勝。
影片截圖
影片截圖
影片截圖
拍下這條影片確實唔簡單，奧委會亦有上載拍攝背後的影片，可見BB難以「坐定定」，難以拍攝一同起步的畫面，又或者不能要求他們舉起槓鈴。創作總監貝格夫透露，為了方便拍攝，便以鋼絲綁好槓鈴，令迷你運動員可以拉起槓鈴，而他又講笑指：「運動員們都很強壯，只是需要些少外力幫助。」
影片截圖
