【恐怖暑期】《講鬼故》離奇撞鬼 擠暗瘡飲淡湯都會瀨嘢？
陪到過埋個暑假。
網上圖片
恐怖電影《講鬼故》將會喺8月29日上畫，由《忘形水》導演哥連慕迪多奴（Guillermo del Tor）監製電影，新晉鬼王《無名屍詛咒》導演André Øvredal執導。電影日前公布左最新預告，嚇死人冇命賠嘅稻草人繼續現身，而且仲加多左幾個驚嚇場面，睇落好以冇乜特別，其實每隻鬼嘅背後都有特別設定。
網上圖片
《講鬼故》嘅背景喺1968年嘅美國，偏遠小鎮Mill Valley入面有間豪宅，以前嘅住客Sara一生飽恐怖經歷拆磨， 佢將自己嘅悲劇人生寫成一本書。一班後生仔去左呢間豪宅探險，發現到呢本書，之後書入面所寫嘅故事都一一成真。
網上圖片
喺預告見到呢一幕，女主角照鏡見到塊面有紅點，仲以為係暗瘡，想擠走佢時候就擠左條毛出嚟，掹出嚟先見到原來係蜘蛛，仲要有一大堆蜘蛛走出嚟，真係會搞到有密集恐懼症。
網上圖片
電影入面其中一種鬼唔見左隻腳趾公，於是周圍去揾，發現自己隻腳趾原來喺碗湯入面。自已隻腳趾畀人食左，又點會放過你？
網上圖片
而另一隻全身發脹嘅女鬼，佢會望實你，然後逐步逼近，最後吞你落肚。所以佢個先會咁脹，因為呢隻鬼已經吞左唔知幾多細路落肚。
網上圖片
仲有一隻鬼就叫地魔剎，係全身骨骼碎裂嘅屍體，可以做出各種嘅關節扭轉嘅動作，而且可以喺倒立下腰嘅情況之下跑得超快。
網上圖片
