【蝙蝠俠】AI睇完1000個鐘系列電影寫成嘅劇本 比原著更精彩！
AI寫嘅劇本似乎仲有趣過原著電影喎。
網上圖片
最近有外國網友喺Twitter度表示，佢逼AI睇左1000個鐘頭蝙蝠俠系列嘅電影，然後再要AI寫返個劇本出嚟。當然，呢位網友仲上載埋第一頁嘅劇本畀大家睇。
網上圖片
網上圖片
喺度就嘗試下翻譯劇本畀大家睇下，希望可以譯返箇中神髓：
蝙蝠俠
內景 傳統蝙蝠洞
蝙蝠俠企喺佢架蝙蝠車隔離用佢部蝙蝠電腦，有時佢係布斯韋恩、有時佢係蝙蝠俠。佢永遠係個孤兒。
蝙蝠俠
而家葛咸城係個安全城市。我打到企鵝人坐監。
蝙蝠俠忠誠嘅管家，阿福，送上一兜哥德火腿（goth ham）。
阿福
食飯喇，韋恩床墊（mattress）。
有一場爆炸就爆炸左（An explosion explodes）。小丑同雙面人闖入蝙蝠洞。小丑係個小丑不過係痴線。雙面人係個男人不過係個律師。
蝙蝠俠
大鑊！係雙面人同單面人！（One-Face）
佢地最憎做蝙蝠嘅我！
蝙蝠俠掉阿褔去雙面人度，雙面人將阿福好似擲銀仔咁反轉，阿福頭向上落地。咁姐係代表雙面人要返屋企。
蝙蝠俠
而家得返你同我，小丑。
蝙蝠對小丑，道德上嘅死敵。
小丑
我真係好奇怪，呢個係壞左嘅社會。
你飲水，我飲混亂。
蝙蝠俠
我係飲蝙蝠！就同其他蝙蝠一樣！
蝙蝠俠環顧四周，想揾返佢嘅父母，但佢地仍然係死左。蝙蝠俠覺得好嬲。佢發射蝙蝠火箭，小丑用佢嘅變態幽默感擋開。呢個就係小丑之力。
小丑
我從來都唔守規矩，呢個就係我嘅規矩。
你會唔會遵守？反正我就唔會。
蝙蝠俠
阿福，幫我生羅賓出嚟 ！
阿福開始生羅賓，因為呢個係佢嘅職責。小丑喺佢手上變左份禮物出嚟。佢一路玩雜耍一路遞份禮物畀蝙蝠俠。
小丑
蝙日快樂，生仔俠。（Happy batday birythman）
蝙蝠俠打開份禮物，因為佢係個好人。入面有一張畀新手父母嘅優惠券，但係一早過左期。呢個就係小丑嘅笑話。（Joker joke）
完
網上圖片
