• U生活

【韓劇】五部神劇輪住拍續集

2019年08月19日 02:14 pm

Leng Zai @ UPower

煲劇煲到你嘔都仲得。

1.《Signal 2》

因為題材有新意，演員出色嘅劇集《Signal》公布左將會推出續集。第一季嘅結局暗示左李材韓（趙震雄 飾）和車秀賢（金惠秀 飾）、朴海英（李帝勳 飾）會重逢，唔少觀眾一直期待續集。tvN電視台宣布將會喺2020嘅上半年將會播出《Signal 2》。

2.《李屍朝鮮2》

由朱智勳、裴斗娜、柳承龍主演嘅古裝喪屍片《李屍朝鮮》即將推出第二季，將會喺2020年播出，早前仲流出左拍攝現場嘅劇照。而且《李屍朝鮮2》最近都已經正式煞科，據聞劇組考慮會唔會推出第三季。

3.《秘密森林2》

好多劇迷都鍾意《秘密森林》嘅懸掛氣氛，曹承佑和裴斗娜兩位演技派巨星同台大鬥演技，加上劇情緊湊精密，任由再奄尖嘅觀眾都揾唔到任何瑕疵。編劇李秀延表示已經完成左一部分嘅續集劇本，而家仲改緊。曹承佑憑《秘密森林》喺舊年贏左百想藝大賞嘅視帝。

4.《輔佐官2》

相信討厭政治嘅人都會鍾意《輔佐官》，由新慜娥同影帝李政宰主演，唔少觀眾都覺得第一季得十季得十集太少，所以第二季已經確定左喺七月開機。

5.《阿斯達年代記3》

《阿斯達年代記》可謂群星拱照，因有劇集由宋仲基、張東健、金智媛、金玉彬主演，而且劇集投資左成400億韓圜。雖然收視唔太理想，不過劇組表明已經拍到第三季。