姬蒂白蘭芝想再演《雷神》 女神最愛邊部MCU電影？
如果第四集真係有姬蒂白蘭芝就好喇。
網上圖片
MCU作品《雷神奇俠》（Thor）橫掃全球票房，《雷神奇俠3》更加係最高票房嘅一集，而且Marvel都確定左會開拍第四集，基斯咸士禾夫（Chris Hemsworth）、妮坦莉寶雯（Natalie Portman）及泰莎湯遜（Tessa Thompson）都會回歸第四集。唔知知係唔咁人齊嘅緣故，喺戲中飾演雷神家姐嘅荷李活女神姬蒂白蘭芝（Cate Blanchett）都開聲表明願意喺第四集演出。
網上圖片
女神姬蒂白蘭芝最近因宣傳新片《走佬阿媽》（Where’d You Go, Bernadette）接受《Entertainment Tonight》訪問，提到《雷神4》就嚟開拍，表示相當高興，主持問到會唔會返去做戲。女神就表示呢個係Marvel決定，佢仲表示等劇組邀請。
網上圖片
白蘭芝喺訪問入面得知妮坦莉寶雯會喺第四集成為「女雷神」表示非常高興，佢仲話好鍾意同自己嘅小朋友一齊睇MCU電影。佢仲提到最鍾意嘅MCU作品唔係《雷神》系列，而係《Marvel隊長》，佢同導演Taika Waititi 講唔好意思。
網上圖片
當年《魔戒》系列充滿仙氣嘅精靈真係相當經典，如果白蘭芝真係可以回歸《雷神》系列的話絕對要入場支持。
網上圖片
