第九屆人權紀錄片電影節 七部紀錄片向世人展示如何守護自由保家衛族
喺呢個時勢，香港人就更加要參考唔同國家嘅經驗，睇下人地係點樣爭取自由。
由2011年開始，國際特赦組織香港分會舉辦「人權紀錄片電影節」，希望可以利用紀錄片，加深香港觀眾對世界各地嘅人權議題同狀況嘅認識。今年九月將會舉行第九屆嘅電影節，今年電影節以「I Xpress 我敢講」為主題，映七部嚟自唔同國家，以表達自由相關嘅作品。
1.《與曼德拉同行》
網上圖片
《與曼德拉同行》用動畫、聲音檔案同倖存者嘅訪，重現1963年曼德拉同戰友被判終身監禁嘅審訊，呈現南非反種族隔離運動嘅高峰。
2.《我們的青春，在台灣》
網上圖片
《我們的青春，在台灣》紀錄台灣學運其中一位主力陳為廷，同埋鍾意台灣嘅中國留學生蔡博藝。喺拍攝過程入面遇到「太陽花學運」，呢場學運帶畀佢地光環，但同時都終結青春、跌入人生低谷嘅預告。
3.《沉默共犯》(The Silence Of Others)
網上圖片
七十年代嘅西班牙，經歷四十年嘅佛朗哥獨裁統治之後，政府簽署遺忘條約「忘記」獨裁政權同國民衛隊嘅種種惡行。大眾嘅沉默就係受害人痛苦根源，亦都係加害者逃過制裁嘅幫凶。喺六年嘅拍攝過程入面，導演紀錄倖存者打破沉默，喺阿根廷法庭提出國際訴訟，令社會不再遺忘，爭取遲到嘅公義。
4.《巾幗詩人》(The Poetess)
網上圖片
喺2010年，沙地阿拉伯女詩人Hissa Hilal成為第一個成功打入《百萬詩人》總決賽嘅女性，呢個節目喺阿拉伯世界相當受歡迎。 Hissa Hilal利用詩句批評極端嘅伊斯蘭教令，批判父權制度對阿拉伯女性嘅唔公平。就算自己同屋企人面對死亡恐嚇都毫不妥協，慢慢開始連男人都開始佩服佢嘅反建制創作。
5.《割席之後》(EXIT)
網上圖片
《割席之後》嘅導演以前係極端右翼分子（極度排除其他種族嘅人類，例如主張白人至上，崇尚戰爭與暴力），電影紀錄片佢嘅反思心路歷程。而且血腥回憶一直都纏繞內心，導演仲同其他前極右派一齊面對過去，探討割席之後應該點行落去。
6.《性在有專欄》
網上圖片
《性在有專欄》紀錄左九十一歲嘅印度傳奇「性專家」Watsa醫生。佢四十幾年嚟筆耕不絕，喺報紙專欄解答大家性的疑惑。就算讀者問題離奇怪雞，醫生都會幽默應對。但佢嘅開放作風令佢惹上官非。電影展示印度嘅性教育嘅發展，亦引導觀眾一齊探討現代社會對性嘅禁忌，同埋呢啲禁忌點樣影響兩性平等。
7.《搖滾吧！阿富汗》
網上圖片
《搖滾吧！阿富汗》講述一班後生仔無懼塔利班，喺阿富汗首都喀布爾嘅車房夾BAND，組成全國第一隊重金屬搖滾樂隊。佢地用音樂抒發被壓抑嘅情緒，但其後安全受到威脅，陷入要走定係留嘅難題。
「第九屆人權紀錄片電影節」將會喺九月廿七日至十月四日舉行，地點包括：百老匯電影中心、百老匯戲院The ONE、香港藝術中心古天樂電影院
詳情：http://hrfilm.amnesty.org.hk/
網上圖片
