單手掌上壓太簡單 要玩雙臂離地掌上壓？
不少人為了美好身段會健身，必然會做到掌上壓等動作「操大」二頭肌，而拳上壓、指上壓及單手掌上壓等則為進階招式。不過有外國大隻佬唔滿足上述動作，竟然決定雙臂離地做掌上壓，咁厲害？
影片截圖
大隻佬於片段開始時先熱身，用雙手玩了三下掌上壓，然後把右手伸到背後，只用左手支撐，再來四下掌上壓。然而拍攝的角度十分可疑，長時間均只拍着這名大隻佬的上半身。
影片截圖
睇嚟單手掌上壓已經滿足唔到佢，竟然連左手亦伸到背後，整個人懸空，但身體仍然可以上升及下降，僅用腰力便做到掌上壓，又或者應該叫做腰上壓。
影片截圖
其後謎底終於解開，原來唔拍佢對腳，係因為佢瞓喺搖搖板的一端，而另一端則有男子踩着，控制他上落，完全是場騙局。
影片截圖
