《浪尖上的約定》今個夏天最浪漫嘅電影
睇完呢套戲就會想學滑浪。
網上圖片
日本動畫電影《浪尖上的約定》由飲譽國壇嘅湯淺政明執導、《貓之報思》嘅吉田玲子編劇。GENERATIONS from EXILE TRIBE主音片寄涼太、《愛上謊言的女人》川榮李奈、《那些年，我們一起追的女孩》松本穗香和《在咖啡冷掉之前》伊藤健太郎等明星配音主演。
網上圖片
《浪尖上的約定》早前喺上海國電影節贏得最佳動畫金爵獎，但電影暫時無緣喺中國上畫，原因係有關部門驚呢部電影攤薄另一部中國動畫《哪吒》嘅票房。不過《浪尖上的約定》會喺8月23日喺香港上畫，果然徹底落實一國兩制。睇完新海誠嘅電影之後，不妨睇埋呢部今個夏天最感人嘅愛情電影《浪尖上的約定》。
網上圖片
故事講述女主角雛子隻身重返家鄉嘅海邊小鎮度住，佢鍾意大海，唔怕巨浪，但成日都對自己未明嘅前途覺得忑忐不安。因為一次嘅火災，令佢識到消防員阿港，兩個情投意合、墮入愛河。但係阿港有一次喺海度救人而死，雛子因咁而搬離海邊，但一直都冇辦法克服傷痛。
網上圖片
有一日雛子哼出佢同阿港鍾意嘅經典金嘅時候，阿港竟然喺水杯出現。因為佢同雛子講過「我會永遠守護妳！一定！」阿港再次出現令到雛子相當開心，雖然佢同港冇辦法擁抱同拖手，但雛子都已經好滿足。
網上圖片
喺預告最後提到，點解阿港會再次出現呢？佢地兩個又應該點樣繼續行落去呢？
網上圖片
