沙煲咁大個拳頭！ 《Marvel隊長》接班人係女版「路飛」？
Marvel 幾時同海賊王 crossover？
網上圖片
迪士尼嘅D23博覽會公布左最劇集《Ms. Marvel》、《Moon Knight》、《She Hulk》，呢幾部係改編自近年最受歡迎嘅Marvel連載漫畫。今次主要介紹下《Ms. Marvel》。
網上圖片
Carol Danvers喺2012年嘅漫畫入面唔再係Ms. Marvel，正式成為「Marvel隊長」。自此一直都冇人繼承Ms. Marvel呢個名，由1976至2012近四十年以嚟，Ms. Marvel都係數一數二犀利嘅超級英雄。
網上圖片
Marvel漫畫就回應時代改變，畀Kamala Khan成為新一代嘅Ms. Marvel。Kamala係個穆斯林女仔，佢鍾意佢嘅屋企，但係頂唔順父母嘅傳統穆斯林式嘅管教方式。佢喺紐澤西成長，但覺得自己仲好似留喺巴基斯坦一樣，每日嘅生活都只有清真寺同屋企。
網上圖片
就咁聽落好似好慘咁，其實Kamala係個性格活潑、識得自嘲嘅宅女，最鍾意就係畫復仇者聯盟嘅同人本。而且佢嘅成長背景忠實咁反映出美國穆斯林族群嘅生活。
網上圖片
Kamala Khan同Miles Morales算係近年Marvel比較成功嘅青少年角色，今次Marvel漫畫成功破除種族定型，畀大家對穆斯林同黑人族群有更多認識。Miles Morales鍾意塗鴉同嘻哈音樂、Kamala鍾意畫畫同cosplay，打破大家對基層黑人同穆斯林嘅旣定形象。
Kamala Khan發現左有異人族（Inhuman）嘅血統，佢嘅身體可以好橡筋咁拉長縮短同變形，同路飛一樣... ... 呢個新上任嘅Ms. Marvel可以放大自己嘅拳頭、伸長手臂，而且同路飛一樣鍾意忘形大笑，佢地見到唔公平嘅事都出手相助。(咁啱人設相似啫)
網上圖片
《Ms. Marvel》推出左之後，幾乎每年都會被列入最精采Marvel漫畫前十名，喺2015年甚至贏埋「「雨果獎」（Hugo Award）最佳圖像小說。今次《Ms. Marvel》改編成劇集，揾左本身係楝篤笑喜劇員嘅Bisha K. Ali，佢係Netflix受歡迎劇集《性愛自修室》（Sex Education）嘅編劇之一。喺劇本方面似乎超碼有質素保證先。
網上圖片
