《驅魔人》係史上最邪恐怖片？ 九個人離奇死亡 仲有個演員做咗連環殺人犯
純屬巧合？
網上圖片
《驅魔人》（The Exorcist）上畫至今已經超過45年，最得人驚嘅唔係電影情節，而係拍攝過程入面不斷有人死，最後總共有九個人死左，所以《驅魔人》又稱之為被詛咒嘅恐怖片。近日美劇《Mindhunter》正首播出，Paul Bateson嘅謀殺案再次引起討論會。當年嘅凶手Paul Bateson曾經參與過《驅魔人》，再加埋之前不停有人死，令呢部電影更加奇詭。
由美國著名導演William Friedkin執導嘅《驅魔人》，喺1973年上畫，全世界觀眾都嚇親。電影成為第一部贏到奧斯卡提名嘅恐怖片，仲贏埋當年全球票房冠軍，總共有4億4,100萬美金票房。電影改編自William Blatty嘅同名小說，講述當年14歲嘅Roland Doe畀鬼上身，由神父Raymond J. Bishop紀錄成個驅魔過程。之後喺電影入面，主角改成12歲嘅女仔Regan MacNeil。
但係，拍緊電影嘅時候，恐怖嘅時不停地發生，首先係離奇火燭，燒毁左主角嘅睡房，最後要用六個星期時期重新砌過間新房。跟住小演員Linda Blair喺拍攝畀鬼上身嘅戲份嗰陣，佢個安全裝置突然鬆開，搞到佢背脊受傷。之後主角Ellen Burstyn仲畀Linda Blair整親，所以喺戲入嘅血其實係真血，唔係道具。
網上圖片
另外喺戲中飾演離奇死亡嘅導演Jack MacGowran，佢拍完呢部戲之後就流感併發症死左。演員Vasiliki Maliaros喺電影做緊後期製作嗰陣都死埋。其他仲有Ellen Burstyn個阿嫲、飾演神父嘅Max Von Sydow，佢阿哥喺第一日拍攝嘅時候突然死左。最後，幫電影邪靈Pazuzu配音嘅演員Mercedes McCambridge，佢個仔喺1987年殺死老婆同兩個女之後自殺。同《驅魔人》相關嘅死亡事件，總共有九單。
喺《驅魔人》嘅醫院嘅場面，飾演醫生助手嘅Paul Bateson，喺呢部戲上畫六年之後成為連環殺人犯。喺1979年，佢喺紐約嘅同性戀社區，殺左Addison Verrill。Paul Bateson同Addison Verrill發生性行為之後，Paul 突然用刀插入人地嘅心臟將對方殺死。當時有報導以為佢係為錢殺人。但係，當佢喺候審期間，佢就話殺人純純因為好玩。
網上圖片
其實，嗰陣喺嗰個同志社區仲有六單謀殺案，但法庭只係夠證據起訴一單案，最後Paul Bateson判左終身監禁，2003年獲得假釋。其他喺同一時間同一社區嘅凶案，當然係仲未捉到凶手。《驅魔人》嘅導演William Friedkin都拍過以Paul Bateson嘅謀殺案為體裁嘅電影《Cruising》。
網上圖片
