【魔雪奇緣】導演以前話泰山係Elsa個細佬 最近佢又話… …
所以千祈唔好亂噏，尤其時喺記者會嗰陣。
《魔雪奇緣2》將會喺今年十二月上畫，一直都有觀眾估Elsa同泰山係親戚，甚至導演Chris Buck都公開認左呢件事。不過，Chris Buck最近受訪，打倒昨日的我，又話唔係咁意思，真係令人?晒頭。
網上圖片
喺上集嘅《魔雪奇緣》講到Elsa同Anna嘅父母遇到船難，導演Chris Buck喺知名網開一面論壇Reddit 同 MTV News 受訪表示佢雖然遇到船難但就冇死到，仲喺船上面生左個BB仔。之後佢地畀人衝左去岸邊，但就畀花豹食左，好彩BB就畀猩猩救左，撫養成人。
網上圖片
咁啫係Elsa同Anna嘅父母可能都係泰山嘅父母？而且Chris Buck係《魔雪奇緣》同埋《泰山》嘅導演，所以泰山係Elas個細佬真係一啲都唔奇。最重要嘅係Chris Buck曾經講過，雖然兩部電影冇直接關係，但佢心入面一直都有個諗法：泰山係Elsa同Anna個細佬。
網上圖片
某程度上嚟講，呢個傳言係導演自己傳出嚟先... ... 咁最近Chris Buck喺D23 Expo就為大家解畫。
網上圖片
Chris Buck一開始就同觀眾澄清：「呢個係我失誤，等我終結呢個謠言。泰山唔係Elsa同Anna嘅細佬。」佢話呢個只係佢嘅個人想像，估唔到喺Reddit講下笑就誤傳幾年。
網上圖片
相信大家對Elsa父母遇難之後嘅故事有興趣，續集會喺十二月上畫，到時大家就知故事係講咩。
