《重案夢幻再重組》韋史密夫fit爆依然 不過手足唔爭氣食肥咗
無論手足變到幾肥都唔會割席。
由韋史密夫同馬田羅倫斯主演嘅經典動作喜劇《重案夢幻組》（Bad Boys），出到第三集《重案夢幻再重組》（Bad Boys for Life），最近正式推出第一條預告片。除左睇到連場槍戰、飛車同打鬥場面之外，當然仲有唔少搞笑場面，相信為觀眾帶嚟唔少回憶，始終對上一集己經十六年前。
網上圖片
《重案夢幻組》由米高比爾執導，喺1995年上畫。當時因為搞笑而動作場面精彩，全球大數1億4100萬美金票房收入。相隔八年之後推出續集《重案夢幻組2》（Bad Boys II）。雖然口碑麻麻地，但全球票房去到2億7300萬美金。
網上圖片
一直傳出呢個系列會有第三集，但劇組不停換人，到今年年頭先肯定由Adil El Arbi及Bilall Fallah聯合執導。除左有韋史密夫同馬田羅倫斯呢對手足之外，今集仲有明星雲妮莎侯堅絲加盟。
網上圖片
《重案夢幻再重組》預計會喺出年年頭上畫，英文名《Bad Boys for Life》取材自《重案夢幻組》嘅一句對白：「We ride together, We die together, Bad Boys for life」。有觀眾認為，兩個人都唔係「Boys」應該要改成「Men」。不過有更多覺得馬田羅倫斯成個人變到肥腫難分，相當失望。
網上圖片
