《曳曳同學會》人細鬼大升中一 玩咀咀運違禁物真正嘅「曳曳」
中一迎新咀咀party？ 大學O camp都未必咁敢玩！
荷李活爆笑喜劇《曳曳同學會》喺九月五日已經上畫，由《賤鄰50》、《洋腸派對》班底製作，電影講述三個準備升中一嘅小學雞嘅曳曳歷程。三個童星演出精彩，笑死人冇命賠，幾個小朋友仲話戲中唔少場面都係即興演出，睇怕佢地喺現實生活都係相當「曳」。
網上圖片
《曳曳同學會》嘅故事係講三個啱啱讀中一嘅老友Max、Lucas、Thor，佢地無論做咩都相當齊心。Max竟然受邀參加「Pre失身咀咀Party」，佢咁夠義氣當然會帶埋兩個好兄弟啦。
網上圖片
Max最想嘅當然喺party度同佢暗戀嘅女仔咀咀啦，但佢根本就有經驗，所以佢地三個就喺去party之前就研究點咀法，但係就越踩越深，搞出個大頭佛。
網上圖片
三個form 1 仔為左學咀咀，不惜逃學、上網睇咸片、玩性玩具、拎住毒品周街行、整爛埋老竇部航拍機，驚動埋差人出動。過程搞笑驚險，今次仲要係由《賤鄰50》同《洋腸派對》嘅團隊打造，導演Gene Stupnitsky作品一向大膽踩界，觀眾一定笑到起唔到身。
網上圖片
今次電影由三個童星擔正演出，包括《抖室》、《奇蹟男孩》嘅加拿大童星雅各川伯尼（Jacob Tremblay）、Keith L. Williams以及Brady Noon。今次雅各同佢以前嘅演出作品相當唔同，例如《抖室》入面飾演一個因姦成孕而出世嘅小朋友，而且仲要喺同阿媽一齊被禁錮喺地下室，相當沉重。
網上圖片
雖然一班小演員咁細個，可能會搞到咸濕笑位就冇咁咸濕。不過其實套戲都已經好大尺度，個個演員都玩得相當盡。三位主角就因為電影宣傳而受訪，佢地表示喺加拿大拍攝嘅第二日，就一齊去左雅各屋企過夜（唔知有冇偷偷地睇咸片），之後佢地就做左好朋友。
網上圖片
成部戲咁多咸濕情節，故事又咁大尺度，但雅各就話拍緊嗰陣就好開心，佢就話拍喜劇最緊要就即興，投入角色之後就會知道自己要講咩，觀眾都會睇得開心。三位小演員仲爆響口，有四成嘅情節都係即興爆肚，換言之有唔少嘅咸濕笑話都係佢地即場度出嚟。
網上圖片
