《安眠醫生》閃靈再現 孖妹血海重登大銀幕

Leng Zai @ UPower

Danny! Danny! Danny Boy!

《安眠醫生》(Doctor Sleep)係《閃靈》續編,由伊雲麥葵格飾演中年版Danny仔,最近華納兄弟公布左終極預告,見到重回舊地嘅猛酒店,孖妹厲鬼再現眼前。到底四十年之後會發生咩事呢?

網上圖片

今次嘅終極預告長兩分半鐘,今次可以見到劇組百分百還原Overlook酒店。預告開頭見到中年版Danny行過落晒雪嘅馬路,重返令佢充滿陰影嘅酒店,之後又諗返起童年遇到嘅恐怖回憶。佢企返喺嗰間細個畫左「Redrum」嘅房門都睇,就好似佢老竇咁樣。

網上圖片

今次嘅預告除左充滿回憶之外,仲有唔少鏡頭係關於吸食「閃靈」能力嘅惡魔True Knot。因為呢班魔鬼冇靈魂,所以佢地專門捕食有「閃靈」能力嘅人類。喺今次嘅新預告,其實佢地唔止淨係要捕獵Danny,佢地仲要埋另一個同佢一樣有「閃靈」能力嘅細路女。

網上圖片

之後Danny帶個細路女去返嗰間邪惡嘅Overlook酒店,但鏡頭一轉就見到Danny畀True Knot個大佬捉左,仲想吸食佢嘅能力。跟住我地就見到《閃靈》嘅經典兩幕,血海湧出同埋孖妹。孖妹仲讀出經典對白:「過嚟同我地玩,永遠唔好停。」最後就係見到Danny畀True Knot圍毆,就未知佢嘅下場係點。

網上圖片

導演Mike Flanagan喺公布呢條最終預告之前,接受外媒《Nerdist》訪問嘅時候就表示,True Knot比起原著小說更加可怕。導演仲指出,電影會帶觀眾故地重遊去返237號房、綠色浴室同埋當時Torrance一家住嘅酒店上層。今次導演落足足心機,希望可以重現Overlook酒店。

Tagged:

Facebook Conversations