派拉蒙計劃重拍《奪面雙雄》 五個關於呢部經典之作嘅趣聞
又reboot？
香港導演吳宇森執導嘅《奪面雙雄》係佢喺荷李活最出名嘅作品，當年全球大收19億港幣票房，最近派拉蒙影業決定重拍呢部經典之作。
網上圖片
重拍版嘅《奪面雙雄》而家就仲籌備緊，將會由《狂野時速》系列監製Neal H. Moritz擔任今次重拍版本嘅監製。另外由《末世悖論》編劇Oren Uziel負責劇本，其實兩位電影人之前喺《囧探出更》同出年上畫嘅《超音鼠大電影》一齊合作。
網上圖片
原版《奪面雙雄》嘅監製David Permut就會喺重拍版做執行製片人。目前仲未確定導演同選角，有影迷就希望兩位原作嘅主演尼古拉斯基治同尊達拉華達都可以喺重拍版客串下。預計吳宇森唔會再為重拍版執導。
今次一齊回顧返《奪面雙雄》嘅五大趣聞：
1.《奪面雙雄》雪藏七年先有得上畫
網上圖片
《奪面雙雄》嘅編劇係Mike Werb同埋Michael Colleary，佢地喺1990年嘅夏天一齊寫呢個故事，仲成功sell埋劇本畀華納兄弟，但係對方一早都冇開拍。Mike 就覺得華納唔明個劇本，佢地覺得《奪面雙雄》同《越空狂龍》好似，所以後來就拍左《越空狂龍》。直到《奪面雙雄》嘅劇本版權過左期，派拉蒙主動聯絡佢地，最後就投資開拍，足足隔左七年先上畫。
2.《奪面雙雄》原本係寫史泰龍同阿諾舒華辛力加做主角？
網上圖片
我地而見到嘅《奪面雙雄》係由尊特拉華達同尼古拉斯基治主演。但係當時兩位編劇係為史泰龍同阿諾舒華辛力加度身訂造，但係當年史泰龍去左拍《越空狂龍》。
3.吳宇森原本唔想拍《奪面雙雄》
網上圖片
喺1993年嘅時候，有報導指吳宇森推走片約，唔想拍《奪面雙雄》。因為佢覺得自己未係時候拍科幻片，佢認為希望專注返角色嘅性格同人性嘅一面。如果涉及太多科幻劇情，會好容易冇左戲劇性。之後再執過劇本，同埋吳宇森喺《斷箭》就同尊特拉華達合作過，所以最後佢應承左拍《奪面雙雄》。
4.吳宇森點解鍾意槍？
網上圖片
吳宇森嘅作品都有大量槍戰面，可能會有影迷以為佢係槍械發燒友。但其實，吳宇森早年喺《SPLICEDWire》訪問嗰陣就表示從來冇買過真槍，純粹覺得槍嘅外形好睇。而佢最鍾意嘅槍係Beretta，因為可以射到十七發子彈，當連續射擊嘅時候，就好似鼓聲一樣咁好聽。
5.吳宇森願意自撢荷包拍好戲
因為Budget唔夠，其中最為經典一幕就係雙雄正面交鋒，兩個人喺塊兩邊背對背嘅一場戲。但派拉蒙唔畀吳宇森拍呢場戲，但導演又好鍾意呢一幕，直接講明話自己拎出嚟拍。最後因為呢場戲拍得相當出色，有傳派拉蒙最後都冇要導演找數。
網上圖片
