「The Rock」清談節目唔提DC電影《Black Adam》 疑嫌等太耐過檔Marvel
咁又真係耐左啲嘅，《狂野時速》連外傳都拍埋。
《狂野時速：雙雄聯盟》嘅男主角狄維莊遜，早前頂替因為車禍受傷嘅奇雲哈特上清淡節目《The Kelly Clarkson Show》受訪。喺節目度狄維莊遜提及到最近主演嘅電影，包括《狂野時速：雙雄聯盟》同埋《逃出魔幻紀：霸氣升呢》。但係就唔講下DC嘅《Black Adam》，令成件事疑竇重重。
網上圖片
狄維莊遜喺節目提到《狂野時速：雙雄聯盟》打破左一連MCU作品嘅紀錄，包括：《復仇者聯盟》、《Marvel隊長》《蜘蛛俠》等等。事關《狂野時速：雙雄聯盟》連續四個星期登上全球票房第一，令佢相當高興。
網上圖片
當提到超級英雄，主持人就似乎唔知道狄維莊遜一早接左DC電影《Black Adam》，佢話好想見到狄維莊遜做超級英雄。正當大家以為狄維莊遜會話自己等緊拍《Black Adam》嘅時候，點知佢答：「遲早會有咁嘅一日。」
網上圖片
有影迷覺得狄維莊遜嘅反應好奇怪，因為佢喺節目入面提晒佢做過嘅電影，而且主持提埋叫想佢做超級英雄，但咁都唔把握機會宣傳，令唔少影迷覺得好怪。
網上圖片
有人覺得狄維莊遜如果講返《Black Adam》會搞到主持人好似好無佑咁，但係呢個理由有啲牽強。
網上圖片
而第二點嘅理由就合理好多，狄維莊遜等左《Black Adam》開拍等左好耐都未有消息，搞到佢好唔耐煩。而且華納兄弟又cut《Black Adam》嘅budget，令佢相當不滿，好可能會搞到佢唔拍《Black Adam》。
網上圖片
有傳指Marvel Studios總裁奇雲費治其實都一直有同狄維莊遜保持聯絡，希望可以吸納佢入MCU，可能會飾演《黑豹2》嘅反派Namor，係Marvel漫畫其中一個經典反派。換言之，而家狄維莊遜係好可能會加入MCU，所以喺節目面就唔講太多關《Black Adam》嘅事。
