九大「爛蕃茄」零分之作 Netfilx原創榜上有名
九套零分電影，有三套係肥尊做主角……
著名影評網站「爛番茄」（Rotten Tomatoes）以「新鮮度」嚟評價一部電影好唔好睇，原來歷年有唔少電影錄得0%新鮮度，都算得上係奇蹟。今次就分享下十部零分之作。
1.《大白鯊第四集大報復》（Jaws: The Revenge）
網上圖片
《大白鯊》係經典之中嘅經典，但去到第四集就已經完全唔關史匹堡事，唔少人認為係史上最難睇嘅續集。
2.《91青青珊瑚島》（Return to the Blue Lagoon）
網上圖片
呢部戲係翻拍自經典之作《青青珊瑚島》，由仲未成名嘅《生化危機》系列米娜祖華域芝做主角。但口碑票房雙失，不過淨係睇米娜嘅靚樣都值得嘅。
3.《3D心疤狂魔》（Scar）
網上圖片
呢部戲嘅賣點係全球首部3D恐怖片，但又係畀觀眾彈到一戙都冇，當年仲傳出有觀喺戲院出面喪嘔。成套戲除左核突都冇咩優點。
4.《3D胡桃夾子》（The Nutcracker in 3D）
網上圖片
只要個戲名有3D，通常都係爛片。正如我地唔會見到《3D阿凡達》、《3D蜘蛛俠》之類嘅名。呢套《3D胡桃夾子》備受批評，同遠作相去甚遠，當年被評為年度最爛電影。
5.《Pinocchio》
網上圖片
雖然小木偶有唔少fans，但呢部作品都係冇人想睇。就算由《一個快樂的傳說》羅拔圖貝尼尼自導自演都好，最終仍然成為史上最多「金草莓」提名嘅外語片。（其實應該係冇人想睇大叔扮小木偶。）
6.《荒唐六蛟龍》（The Ridiculous 6）
網上圖片
呢部係Netflix原創電影，開頭因為劇本歧視而搞到美洲原居民罷拍，播映嘅時候都受到批評，種族歧視笑話相當低級趣味。仲要由毫無觀眾緣嘅阿當桑廸拿主演，自然係衰多兩錢重。
7.《生龍活虎》（Staying Alive）
網上圖片
因為《周未狂熱》相當成功，所以尊特拉華達拍埋呢部續集。最神奇之處係呢部戲嘅編劇同導演係史泰龍，一聽就知幾咁「精彩」。雖然票房唔錯，但口碑極差，受盡觀眾唾罵。
8.《飛越童真第三集》（Look Who’s Talking Now!）
網上圖片
《飛越童真》系列原本都受歡迎，但一到第三集由尊特拉華達就即刻拍到爛晒，有觀眾認為劇本就好似「用編劇機自動寫出嚟」。
9.《命繫一線》(Life on the Line)
網上圖片
又係肥尊主演嘅電影，呢部2016年嘅災難片，爛到無聲無息咁落左畫都冇人知。有觀眾覺得肥尊假鬚仲好睇過本身套戲。
