十大蝕到返唔到家鄉嘅荷李活電影
票房唔好都未必代表套戲唔好睇嘅，有時。
雖則話荷李活電影工業雄霸全球市場，因為套套大製作嘅預算都過十億港紙，蝕起上嚟隨時搞到公司執笠都似。今次就整合荷李活十大蝕到入肉之作。
10.《The Adventures of Pluto Nash》
網上圖片
呢部戲由當時人紅爆燈嘅黑人巨星Eddie Murphy主演，但票房都慘不忍睹。埋單蝕左9,600萬美元（約港幣$7億4000萬）。
9.《智能殺機》
網上圖片
由《狂野時速》導演Rob Cohen執導嘅《智能殺機》，電影公司當年投資左1億3,500萬美金，但最後蝕左9,600萬美元（約港幣$7億4000萬）。
8.《浪魂47》
網上圖片
呢部戲雲集荷李活同眾多亞洲巨星，包括：奇洛李維斯、真田廣之、柴咲幸及淺野忠信等。雖然群星拱照，但係最後埋數蝕左9,800萬美元（約港幣$8億）。
7.《獨行俠》
網上圖片
呢部電影由《魔盜王》系列導演高爾韋賓斯基執導、尊尼特普主演、仲有金牌監製謝利畢咸瑪。迪士尼投資左2億2500萬美金，但全球票房只有2億6000萬美元。最後迪士尼蝕近9,800萬美元（約港幣$8億）。
6.《宇宙奇艦泰坦號》
網上圖片
由荷李活兩大動畫製作人Don Bluth同Gary Goldman執導嘅《宇宙奇艦泰坦號》，電影喺2000年上畫，當年全球票房有3,680萬美元。但FOX投資9000萬，最後蝕足一億美元。Don Bluth之後都再冇新作。
5.《Mars Needs Moms》
網上圖片
由《回到未來》系列導演Robert Zemeckis製製嘅3D科幻片《Mars Needs Moms》又搞到迪士尼血本無歸。迪士尼投資左近1億5000萬，但最後全球票房得3900萬，總計蝕左一億美金。
4.《魔獸戰車》
網上圖片
由《變種特攻》系列嘅Lucas Till主演。呢部主打細路仔市場嘅3D電影又係蝕本收場，製作費高達1億2500萬，但票房只係得6450萬。最後蝕左1億1,500萬美元（約港幣$8億9000萬）。
3.《異星爭霸戰：尊卡特傳奇》
網上圖片
仍然係由迪士尼投資嘅《異星爭霸戰：尊卡特傳奇》，呢部電影由《海底奇兵》同《太空奇兵·威E》導演安德魯史達頓執導，係佢生平第一部嘅真人電影。呢部戲嘅製作費仲高過《阿凡達》，迪士尼總共投資左2億6300萬，但最後迪士尼唔見左1億2200美金。
2.《仙巴之七海遊踪》
網上圖片
《仙巴之七海遊踪》由夢工廠投資，而且仲畢彼特、米雪菲花兩大巨星配音。但因為全球票房慘淡，最終夢工廠蝕左億2500萬美金。
1.《神劍亞瑟王》
網上圖片
呢部《神劍亞瑟王》不論台前幕後都咁星光熠熠，佳烈治做導演、悍戰太平洋》查理亨南同埋《神探福爾摩斯》祖迪羅主演，電影仲有碧咸客串。電影講述英國民間傳說英雄亞瑟王嘅故事，原本華納兄弟打算拍六部曲嘅史詩式野心之作。就咁睇故事同陣容其實都幾吸引，估唔到居然係蝕本王。最後華納蝕左1億5000萬美元（約港幣11億7000萬），可謂蝕到見骨。
