【小丑回魂2】五個恐懼小丑嘅原因

Leng Zai @ UPower

 其實小丑又有咩好怕喎。

《小丑回魂》系列嚟到第二集,喺美國一樣都係咁好票房。喺電影入面,小丑潘尼懷斯四圍捕捉小朋友食用,猙獰嘅小丑樣令人睇見都驚。喺現實世界入面好多人都有「小丑恐懼症」,原本應該娛樂大眾嘅歡樂角色,點解會變左恐怖代表呢?

1.永遠只有一種情緒

網上圖片

我地只所以會咁驚小丑,係因為佢地永遠只有一種情緒,完全分唔到佢地嘅真正感受。大部分小丑都係長期笑住,不過有啲就係一直係都係喊樣。假設一個小丑係keep住笑樣,即係話不論你同講咩都好,佢都係笑住回應你。

2.化妝詭異

網上圖片

小丑通常都係化個笑到見牙唔見眼嘅妝,不過喺現實世界我地係唔會見到咁樣嘅人。呢啲特別浮誇嘅妝,誇大佢嘅假笑,令人仲覺得不安。心理學家分析,溝通係要靠觀察其他人嘅表情同情緒。但小丑個妝太重,動作又誇張,自然唔知佢地諗緊乜。

3.小丑令人冇安全感

網上圖片

觀眾通常都估唔到小丑嘅表演會點樣,當所有嘢都預測唔到就會令人冇晒安全感,令人覺得有壓力。小丑長期都笑笑口,好似逼人都要跟佢一齊笑咁。通常小丑喺表演嘅時候都會拉埋觀眾一齊玩,自然會令人覺得好驚。

4.小丑形象難定義

網上圖片

英國錫菲大學曾經喺一間兒科醫院做過研究,醫院嘅牆上面有好多小丑嘅圖案,一班學者就訪問返醫院嘅小朋友,發現左細路都覺得牆上面嘅小丑公仔都好怪。研究指出例如小朋友到一幅有貓嘅相,佢地可以歸類為動物。但係細路仔就分唔到小丑到底係咩物種。

5.小丑形象有性暗示

網上圖片

喺1892年嘅歌劇《丑角》(Pagliacci),喺劇入面嘅小丑係性無能,最後因為求愛不遂,喺當眾用刀插死意中人。喺唔少嘅影視文化入面,小丑嘅形象唔係強姦犯,就係戀童癖。而事實上,喺七十年代,有個美國連環殺人犯John Wayne Gacy就係兼職小丑。佢總共殺左33個人,而且佢亦都有唔少性侵前科。所有死者都係15至17歲嘅男性青少年。

網上圖片

Tagged:

Facebook Conversations