《鬼片：驚嚇現場》史上最寫實鬼片 揾鬼拍鬼片聽過未
電影都係人扮鬼，但係現實之中就有好多鬼扮人。
韓國近年鬼片風格「寫實」，繼《瘋人院逐個捉》之後，又一部喺廢棄現場取景嘅作品。《鬼片：驚嚇現場》故事以「由鬼拍嘅鬼片」作為主題，要觀眾嚇到喺戲院走返出嚟。
網上圖片
《鬼片：驚嚇現場》故事講述對電影充滿熱誠嘅導演美貞為左佢嘅新作而絞盡腦汁，但一直都諗唔到要點拍。有一日，朋友同美貞講話曾經有部由鬼拍成嘅恐怖短片，但最後畀人禁播。美貞覺得呢個傳言好有趣，決定不惜一切去調查呢件事。佢仲唔聽人勸止，將自己投入到恐怖短片嘅劇本世界。最後當然出事... ...
網上圖片
電影主要喺群山嘅荒廢戲院取景，現場周圍都係空房、雨水同埋鐵鏽味。本身拍攝現場都已夠晒陰森，演員嘅演出自然就會更加好，觀眾睇戲嘅時候都會更具實感。
網上圖片
另外，呢部電影值得留意之處係女主角徐叡知一人分飾兩角，扮人又扮鬼，仲會親錄埋戲中嘅鬼聲鬼氣。同埋仲有《炸雞特攻隊》嘅最佳男配角陳善圭加盟演出，令成部戲更加精彩。
網上圖片
