十年磨一劍《喪屍樂園：連環屍殺》愛瑪史東再殺喪屍
淨係睇愛瑪史東都夠喇。
網上圖片
喺2009年上畫嘅美國喜劇《喪屍樂園》（Zombieland）終於有續集《喪屍樂園：連環屍殺》（Zombieland: Double Tap），上年SONY正式公布原班人馬全部會返晒嚟，仍然係由上集導演魯賓費利沙（Ruben Fleischer）執導、謝西艾辛堡（Jesse Eisenberg）、愛瑪史東（Emma Stone）、活地夏里遜（Woodrow Harrelson）和艾碧姬布絲蓮（Abigail Breslin）繼續主演，今次仲有Zoey Deutch加入主演，成個續集足足plan左十年，點都要入場支持下。
網上圖片
愛瑪史東就表示好開心可以大家一齊做返續集，就好似老友聚舊咁樣。不過今次重聚竟然冇人認得艾碧姬布絲蓮，因為佢已經大個左好。謝西艾辛堡就極為欣賞今次嘅製作，就算冇睇過上集，單睇今次新作都一樣會覺得咁好睇。
網上圖片
今次新加入嘅Zoey Deutch就飾演冇腦金髮靚女，基於荷李活驚悚片定理，活地夏里遜本來覺得佢係第一個死。不過後來Zoey成功生還，原因係喪屍鍾意食人腦，而好彩地佢係冇腦，所以成功倖存。
網上圖片
雖則《喪屍樂園：連環屍殺》係喜劇，但始終係喪屍片，咁到底最後會唔會有人犧牲呢？十月廿四日可以入場睇下。
