港產片六大最令人心動女鬼 你最想撞到邊隻鬼？
鬼仲好過人。
近呢兩個月嘅新戲都係鬼片多，例如而家上緊嘅《小丑回魂2》、嚟緊上畫嘅《貞子：咒殺KOL》。喺以前香港電影黃金年代都曾經有過唔少經典鬼片，好多明星都飾演過經典女鬼角色，令人又愛又驚。今次就分享下港產片六大女鬼。
1.王玉環
網上圖片
王玉環喺80年代拍左近十部鬼片，包括《殭屍家族》、《靈幻先生》同《殭屍叔叔》，可能因為佢嗰陣同午馬拍拖，所以接到咁多部鬼片。後來佢地分手之後，女方淡出影壇，去左賣保險，而家就係保險公司高層兼嫁畀富豪。
2.王小鳳
網上圖片
王小鳳喺1986憑《錯點鴛鴦》贏左第五屆香港電影金像獎影后，當年仲要只係得24歲，認真犀利。佢喺1984年第一次拍戲，主演《艷鬼發狂》。下年就喺《殭屍先生》飾演靚女鬼「董小玉」，令無數觀眾留低深刻印象。之後佢就拍左下《殭屍翻生》、《鬼新娘》同《厲鬼纏身》等等嘅鬼片。而家王小鳳嫁左畀美國IT界商人許立信，過住幸福生活。
3.舒淇
(就咁睇字都好似聽到舒淇把聲)
網上圖片
舒淇喺2002年主演《Office有鬼》，男主角係馮德倫。兩人喺電影入面發展人鬼戀，喺現實終於可以人人戀，拉埋天窗。
4.鍾楚紅
網上圖片
紅姑極少鬼片作品，1987年嘅《鬼新娘》算係比較出名，喺戲中同發哥發展一段人鬼情。
5.梅艷芳
網上圖片
梅姐喺《胭脂扣》入面嘅如花絕對係經典。
6.王祖賢
網上圖片
《倩女幽魂》嘅聶小倩相信都唔需要多介紹，港產片中嘅icon角色，至今仍然風靡全亞洲觀眾。
