貞子都與時並進？ 《貞子: 咒殺KOL》錄影帶殺到入網絡
唔通今次貞子係由光纖爬入屋？
《貞子》系列深人民心，最新續集《貞子：咒殺KOL》就嚟喺香港上畫。今次嘅女主角池田依來沙，係混血大眼兼身材超好，唔知到時入場睇戲嘅時候會唔會畀佢個靚樣搞到分晒心唔識驚呢？
網上圖片
《貞子：咒殺KOL》講述清水尋也飾演嘅和真係一個KOL，為左hit rate決定偷偷地入去發生離奇大土嘅凶宅拍短片。但係，佢上載完條片之後就神秘失蹤。池田依來沙飾演嘅茉優係和真個家姐，佢喺醫院做緊心理治療師，佢為左揾返佢細佬同埋經理人，所以係咁翻睇條短片。茉優居然發現到和真嘅背後有白色鬼影！
網上圖片
之後嘅劇情就不停發生古怪嘅事，所有嘅怪事全部都指向嗰場離奇大火嘅遺孤，而真相就係同「貞子詛咒」嘅恐怖循環有關。
網上圖片
貞子絕對係日本恐怖片嘅代表作，《午夜凶鈴》嘅導演中田秀夫就改編鈴木光司嘅同名小說，將白衣女鬼嘅形象烙印喺觀眾心入面。當年喺香港，《午夜凶鈴》勁收3100萬票房，而台灣就連續十七年全台日本電影票房冠軍。當年仲搞到全亞洲觀眾對錄影帶集體恐懼。唔知今次會唔會令大家恐恐懼網路呢？
網上圖片
相隔二十年，中田秀夫再執導演筒，電影由經典VHS變成每分每刻都會接觸嘅網路世界，加入左 Youtuber、KOL嘅元素。貞子世界嘅恐懼源於對日常生活嘅想像，每個人都驚自己會成為下個受詛咒嘅目標。
