電影《返校》五大受歡迎嘅原因
「點解會搞到而家咁樣？唔係睇幾本書咋咩？」、「你係唔記得，定係唔敢記得？」
網上圖片
台灣電影《返校》最近正式上畫，喺台灣開畫票房創下八年最高紀錄，唔少觀眾認為係本年度最佳電影。而香港就要等到12月5日先有得睇，點解《返校》會咁受歡迎？
1.白色恐怖時代嘅愛情
網上圖片
《返校》以1962年嘅台灣戒嚴時代做背景，喺山區嘅翠華中學（咁啱同名），讀緊中六方芮欣鍾意左老師張明暉。但係半夜扎醒，發現身邊竟然係讀緊中五嘅師弟魏仲廷，兩個人被學校，喺空盪盪嘅校園揾返失蹤嘅張老師。但喺過程入面發現學校埋藏左恐怖嘅過去。
2.同大家講咩叫自由可貴
網上圖片
嘅電影入面媾學生妹嘅張老師，因為同其他師生一齊搞左個讀書會睇禁書，但原來睇書都會畀人判叛國罪。喺戒嚴時代嘅台灣，莫講話民主選舉，連思想言論集會自由都受到嚴密監控。
3.白色恐怖比鬼怪更可怕
網上圖片
《返校》表面係講校園鬼故，但台灣戒嚴年代，政權甚至校方都排除異己打橫行，仲要鼓勵篤灰互相監察。鬼怪唔可怕，白色恐怖失去自由仲得人驚。
4.改編自大熱遊戲
網上圖片
電影係改編自同名遊戲，由台灣赤燭團隊製作，主打驚悚解謎。呢個2D橫向式冒險解謎GAME，係受英國小說作家George Orwell嘅《1984》所影響。電影同GAME一樣，一定要避開敵人過關，收集情報同道具，揾齊晒所有線索先可以去下一章。入面嘅彩蛋全部影射真實歷史。
5.任何觀眾都啱睇
網上圖片
《返校》被喻為年度最佳台灣電影，就算係歷史白痴或者「我討厭政治」都一樣啱睇。當呢部戲係恐怖片、愛情片、甚至乎文藝片咁睇都一樣得。就算唔明入面嘅政治元素都一樣睇得開心。
網上圖片
