【蝙蝠俠】羅拔柏迪臣片酬大縮水 人工仲少過30年前
資深前輩：「而家畀機會你喎，仲講人工？唔收返你學費算係咁啦。」（設計對白）
嚟緊新版本嘅《蝙蝠俠》將會喺2021年上畫，由羅拔柏迪臣(Robert Pattinson)新一任嘅蝙蝠俠。不過，近日外國媒體踢爆，羅拔柏迪臣嘅片酬低得出奇，仲低過另一位配角嘅片酬。
網上圖片
目前DC為左《蝙蝠俠》不停物色演員加入，有消息指主演HBO劇集《西部西界》嘅Jeffrey Wright係葛咸城警局局長James Gordon嘅熱門人選。另外，《LEGO英雄傳》為綠燈俠配音嘅鍾拿希爾(Jonah Hill)亦都係DC想揾要嘅人選之一。不過，呢位人兄嘅片酬貴過羅拔柏迪臣好多。
網上圖片
美國媒體《Deadline》早前報導，就指鍾拿希爾會喺《蝙蝠俠》入面飾演反派，嗰陣就未有講明會做咩角色。《The Hollywood Reporter》就指佢會做企鵝人，但係《Collider》就話佢會做謎語人。反正都一定係會飾演經典反派角色。
網上圖片
最令人震驚嘅地方係，提名過兩次奧斯卡最佳男配角嘅鍾拿希爾就大咬1000萬美金片酬。《Variety》證相關消息，指羅拔柏迪臣嘅片酬連佢一半都冇。咁即係話，呢位新任蝙蝠俠嘅人工可能少過500萬。報導仲指鍾拿希爾成個月都喺度同劇組講價，獅子開大口話要1000萬美金片酬。
網上圖片
而最慘嘅係，根據《Entertainment Weekly》喺1993年嘅報導，當年米高基頓（Michael Keaton）做蝙蝠俠嘅片酬有1500萬美金。但當時佢否認左，但係唔少傳媒估計，佢至少有1000萬美金嘅片酬。基斯頓比爾（Christian Bale）喺三部《蝙蝠俠》入面就袋左5,400萬美金，平均每部收1,800萬美金。而另一位唔太受歡迎嘅蝙蝠俠佐治古尼都有1,000萬美金片酬。飾演反派急凍人嘅阿諾舒華辛力加竟然有2,500萬美金。
嚟到2019年，飾演蝙蝠俠嘅羅拔柏迪臣嘅人工唔到500萬美金，一定因為係經濟唔好。
網上圖片
