【劉德華主理創作】中國神話+超級英雄=《東方搜神局之天火傳》
中國神話加超級英雄加九龍城寨再加劉德華，你話有冇得諗？
網上圖片
Marvel漫畫嘅超級英雄流行世界八十年，應運而生嘅MCU電影仲改寫埋世界電影嘅格局。而家香港天王劉德華就帶領佢嘅團隊，創造出東方色彩嘅超級英雄宇宙東方搜神局系列，首部曲就係《東方搜神局之天火傳》Graphic Novel（圖像小說）。
網上圖片
今次劉德華帶領佢嘅團隊搞呢個《東方搜神局》系列，當然唔止得紙本書。天王同佢嘅團隊講到明呢系列嘅作品，會係將來嘅超級英雄電影創作藍本同骨幹，今次天王將會重新定義繪炙人口嘅中國神話。
網上圖片
小說入面嘅咁多個神話人物就會轉生變成現代超級英雄，當然就會喺香港唔同嘅地標出現，例如宋王台、九龍城寨、太平山石龜等等。
網上圖片
而首部曲《天火傳》就係成個超級英雄宇宙嘅開始，故事講述國際秘密特工組織「搜神局」兩代特工陽天同陽昭父子，佢地都喺各自嘅二十歲嗰陣加入左「搜神局」香港分部。喺1987年發生黑隕石能源爭奪，搞到九龍城寨有大危機。咁其實，陽天同埋陽昭兩個人都有異能，而且仲係同中國神話人物有關！（詳情見圖）
網上圖片
與此同時，滅世彗星「阿雷斯」就嚟返到地球，到時全世界就會變成灰塵，嚟自亞洲唔同城市嘅超級英雄就出現，聯手對付災星。咁即係話，唔同嘅英雄會集結埋一齊，再打返場轟轟烈烈嘅終局之戰。
