【皇家特工前傳】英國特務決戰俄國妖僧 打不死之餘仲有「巨鵰」？
己經唔係戰鬥民族咁簡單。
《皇家特工》系列電影喺全球票房大收，兩部電影全球票房總共有8億2400萬美金。今年食住上拍埋前傳電影《皇家特工：第一任務》。今次預告見到皇家特工同俄國妖憎拉斯普京(Grigori Rasputin)全面決鬥。《皇家特工：第一任務》講述喺第一次世界大戰嗰陣，俄國暴君同犯罪集團聯手，計劃發動一張滅絕過百萬人嘅戰爭。為左制止呢場大屠殺，「皇家特工」應運而生。其中一個屠殺計劃嘅主腦係拉斯普京。
網上圖片
如果中學有讀世史嘅朋友可能記得拉斯普京，暴君沙皇尼古拉二世予以呢位妖僧國家重任，搞到民不聊生，最後俄國人民發動二月革命，推翻沙俄皇朝。
網上圖片
咁其實拉斯普京並唔係咁簡單，佢生於1869年，出生自農民家庭。雖然拉斯普京後生嘅時候已經相當放縱，但係佢仍然可以入到修道院，成為神父。佢喺修道嗰陣接觸到由東正教分裂出嚟嘅神秘分支，鞭身派。之後佢以宗教之名，不繼走訪唔同嘅富貴家族。拉斯普京之所以咁受歡迎，係因為佢曾經成功預言過旱災，所以好多人當佢神咁拜。
網上圖片
沙皇尼古拉二世，同埋皇后亞歷珊卓迷信神秘主義，成日會揾神棍去皇宮搞降靈儀式。當時尼古拉二世嘅大仔阿力斯喺出世冇耐確診血友病，醫極都醫唔好，後來皇后就揾左拉斯普京去同個仔醫病，結果病情變好左。其實係因為拉斯普京識得催眠術，令到阿力斯病情穩定。自此皇后就深信拉斯普京，仲畀佢自由出入皇宮。因為有皇后支持，所以佢做乜都冇人理。當時官員任命一定要經拉斯普京同意，好多官員同貴族因為得罪佢而畀人炒，例如外務大臣、東正教最高會議檢察總長。
網上圖片
除左把持朝政之外，拉斯普京仲因為醫好左太子而受封為「聖人」，受到無數貴族婦女敬仰。喺尼古拉二世仲做緊沙皇嗰陣，有無數貴族女子主動同佢發生性行為，當時有傳皇后都係其中之一。如果拉斯普京同處女發生性行為之後，佢就收藏對方嘅頭髮做紀念。喺1977年嘅時，蘇聯政府拆佢間屋嗰陣，喺佢花園發到好多個箱，裏面裝滿晒頭髮。
網上圖片
拉斯普京最傳奇之處莫過於佢嘅死，當時一班親王貴族想暗殺佢，引佢食左有氰化鉀嘅蛋糕同飲埋有氰化鉀嘅酒。但佢都係咩事都有，有位親王等唔切而向佢開左一槍。正當大家以為佢死左嗰陣，佢突然醒返，仲捏實親王條頸，大聲話要絞死晒全部人。喺咁多個人反抗之下，拉斯普京走左去屋外，其他人追出補多三槍，其中一槍打中佢個頭。但係，拉斯普京都係唔死得，之後成班人拖佢入屋，用啞鈴打暈佢(未死)。最後大家將佢掟入結左冰嘅莫伊卡河，將佢浸死。法醫驗屍報告之出，佢浸左八分鐘先死，係正常人嘅三倍時間。
網上圖片
拉斯普京喺生前曾經預言過，羅曼諾夫王朝會喺佢死左之三個月內滅亡。佢喺1916年12月尾畀人殺，到下年嘅3月8日，俄國就發生二月革命。喺革命嗰陣，佢條屍畀人掘左出嚟，運到去聖彼得得遊街同焚屍。因為拉斯普京生前異常淫蕩，所以憤怒嘅群眾將佢嘅陽具割落嚟。佢嘅陽具長達28.5厘米，相信係俘虜女性嘅利器之一，目前佢嘅陽具擺左喺聖彼得堡博物館展覽。
網上圖片
