【洗錢天堂網絡】師奶踢爆巴拿馬文件 另外三部由傳媒揭發政治黑幕嘅電影
唔好睇小師奶。
最近由Netflix投資嘅《洗錢天堂網絡》（The Laundromat）由影后梅麗史翠普、影帝加利奧文主演，大導演史提芬蘇德堡執導。電影改編自《金錢密界：深入巴拿馬文件背後的離岸金融運作，揭開全球政商名流不為人知的藏金祕密》（Secrecy World: Inside the Panama Papers Investigation of Illicit Money Networks and the Global Elite）。《洗錢天堂網絡》以喜劇形式包裝，故事講述一位寡婦喺幫老公追保險嘅過程入面，發現到自己畀兩個專幫人洗黑錢嘅律師利用左，仲意外揭發巴拿馬文件嘅全球政治大黑幕。
網上圖片
《洗錢天堂網絡》最特別之處主角係一個普通師奶，意外揭發震撼全球嘅政治大黑幕，而有近多嘅類題材電影係由記者負責揭發政治大陰謀。今次就會介紹下其中三部電影。
1.《焦點追擊》（Spotlight,2015）
網上圖片
喺美國波士頓天主教教區入面，經常傳出神父性侵小朋友嘅醜聞，但教區就當睇唔到，甚至暗中保護涉案神父，將佢地派去其他教區繼續侵犯小朋友。但係受害人冇辦法得到公道，永遠被逼沉默，甚至自殺。2001年，《波士頓環球時嘅五位記者，組成「焦點小組」，對案件展開調查，揭發神職人員嘅性侵真相。佢地查到有九十個神父曾經性侵小朋友，最後由調查性侵案演變成對抗天主教教會體制。
2.《戰雲密報》（The Post ,2017）
網上圖片
《戰雲密報》由梅姨同湯漢斯主演，史提芬史匹堡導演。電影改編自五角大樓文件案，係關於美國喺越戰時期嘅秘密報告。《華盛頓郵報》要趕喺紐約時報之前踢爆長達三十年嘅秘密。
3. 《揭密風暴》（Whistle Blower,2014）
網上圖片
故事講述幹細胞發展驚人，韓國科學界第一把交椅嘅黃禹錫發表破格研究成果，佢成功培殖病人專屬嘅幹細胞，可以令行唔到嘅小朋友再次企返起身，令到成個韓國充滿希望。但係，其實成個研究都係假嘅，黃禹錫手下嘅研究員沈旻昊決定舉報呢件事，而尹敏哲作為記者就堅持將真相呈現出嚟。
