《唐頓莊園》原班人馬鬥到上大銀幕 冇睇過劇集版都唔洗怕

Leng Zai @ UPower

淨係睇靚景靚衫,再聽埋一班演員講對白都值回票價。

網上圖片

其實唔止得古裝鬥爭劇就唔係香港劇集嘅專利,外國都一樣有經典「宮鬥劇」《唐頓莊園》,呢部講述英國貴族嘅劇集就係表表者,一共拍左六季,夾埋拎到六十九項艾美獎提名,贏左十五項大獎,成個系列喺2015年就大結局,但熱潮依舊,今年就有原班人班推出電影版。

網上圖片

兩個鐘頭嘅電影就冇乜可能完整講晒六季故事,所以劇組只係抽左英國皇室到訪嘅一段嚟拍攝,冇睇過劇集版嘅觀眾可能喺開頭會有少少跟唔上,因為要用多少少時間去認樣。不過睇耐左其實就冇乜困難,因為始終劇集係肥皂劇定位,係畀大家消閒嘅作品,唔會有咩高深難明嘅劇情。

網上圖片

電影版有一班老戲骨嘅精彩演出,例如:Maggie Smith、Hugh Bonneville、Jim Carter,仲有大量靚衫睇,淨係演員同服裝已經夠晒頭,就算劇情四平八穩都冇乜所謂。電影版對《唐頓莊園》嘅劇迷嚟講,就係一個完滿嘅結局;對於第一次睇嘅觀眾,都可以當做一部精緻嘅劇情片咁睇。

網上圖片

Tagged:

Facebook Conversations