【黑魔后2】盤點安祖蓮娜祖莉十大經典角色
安祖蓮娜唔係淨係識做黑魔后架。
安祖蓮娜祖莉除左佢新作《黑魔后2》之外，其實佢歷年有唔少經典角色。安祖蓮娜祖莉七歲已經開始做戲，從影總共有三十七年經驗，今次就同大家分享下佢嘅十大經典角色。
10. 《忽然奪網》(Hackers)
網上圖片
《忽然奪網》講述一班天才學生黑客，攻擊啱啱發展冇耐嘅互聯網。安祖蓮娜祖莉當年仲未大紅，但係就可以成功贏到多個一線明星，奪得角色。
9.《霓裳情挑》（Gia）
網上圖片
喺1998年播映嘅電視電影《霓裳情挑》（Gia），安祖蓮娜祖莉憑藉呢部作品成功贏到金球獎電視劇、連續短劇與電視電影項目嘅最佳女主角。
8.《極速60秒》（Gone in 60 Seconds）
網上圖片
安祖蓮娜祖莉同尼古拉斯基治主演嘅作品，雖然口碑麻麻，但票房成績相當好，勝在飛車場面出色，算係當年嘅《狂野時速》。
7.《命運倒數》(Life or Something Like It)
網上圖片
2002年上畫嘅《命運倒數》係安祖少有嘅小品浪漫喜劇，相信都好少可會喺銀幕見到咁斯文嘅安祖蓮娜。
6.《換命謊言》（Changeling）
網上圖片
由奇連伊士活執導嘅《換命謊言》，電影改編自1928年洛杉磯懷恩威爾虐殺兒童案，安祖蓮娜飾演一個要為自己骨肉討回公道嘅單親媽媽，呢部戲令佢成功提名奧斯卡影后。
5.《叛諜狂花》（Salt）
網上圖片
安祖蓮娜喺《叛諜狂花》飾演CIA特務，比起《盜墓者羅拉》系列有仲多動作場面，戲入面嘅打鬥場面都係親自上陣。
4.《史密夫決戰史密妻》（Mr. & Mrs. Smith）
網上圖片
喺2005年上畫嘅《史密夫決戰史密妻》係安祖蓮娜同畢彼特嘅「定情作」，佢地戲中飾演一對特務夫婦，之但係當年佢地拍緊呢套戲嗰陣其實係未結婚，拍完冇耐畢佬就同珍妮花安妮絲頓（Jennifer Aniston）離婚。
3.《黑魔后：沉睡魔咒》（Maleficent）
網上圖片
《黑魔后：沉睡魔咒》係安祖蓮娜從影以嚟最高票房嘅作品，全球票房7億5,800萬美金票房，相信亦都係近年最為人熟知嘅作品。
2.《盜墓者羅拉》（Lara Croft: Tomb Raider）
網上圖片
2001上畫嘅《盜墓者羅拉》，係安祖蓮娜第一部動作片，亦都係同佢老竇Jon Voight合作嘅作品，兩年之後嘅續集盜墓者羅拉：生命之匙》仲嚟左香港銅鑼灣取景，連任達華都有份參演，兩套戲加埋全球票房總共有4億3,000萬美金。
1.《我有冇問題》Girl, Interrupted）
網上圖片
2000年嘅《我有冇問題》係安祖蓮娜演技之作，佢喺戲中飾演一個反社會人格嘅Lisa，因為出色嘅演技令到佢贏左奧斯卡同金球獎最佳女配角。
