【JOKER小丑】電影隱藏三大彩蛋 三大反派呼之欲出
雖然呢套戲唔關DCEU事，但係揾下彩蛋都幾有趣嘅。
華堅馮力士（Joaquin Phoenix）主演嘅《JOKER小丑》全球票房勁收逾七億美金，雖然導演講到冇彩蛋，但係一班影迷仍然樂此不彼，係咁揾彩蛋。今次嘅彩蛋其實係同反派角色有關。
1.謎語人
網上圖片
Arthur Fleck知道左佢阿媽有妄想症之就去左阿卡漢精神病院（Arkham Asylum）去查佢阿媽嘅病歷。喺搭緊?嘅時候，我地會見到佢後面有個綠色嘅塗鴉，包括一個巨型問號。綠色+問號=謎語人。而謎語人都係精神病院常客，觀眾覺得係彩蛋都好合理。順帶一提，羅拔柏迪臣（Robert Pattinson）主演嘅《蝙蝠俠》都會有謎語人出場，由Paul Dano飾演。
2.鼠患嚴重暗示有大反派
網上圖片
喺電影入面，有一段新聞報導係講葛咸城嘅老鼠變種進化，將會成為城市嘅新威脅，有影迷覺得係暗示反派捕鼠者（Ratcatcher）Otis Flannegan，佢可以同老鼠有溝通能力，同埋可以訓練同控制老鼠。喺新版嘅《自殺特攻》（The Suicide Squad）都會老鼠出現，不過今次呢個反派會由男人變成女人，由Daniela Melchior飾演。
3.醫生也瘋狂
網上圖片
Arthur Fleck喺精神病院搶病歷嗰陣，文件上面寫左佢媽個主診醫生係Dr. Stoner，相信佢就係原著入面嘅Dr. Benjamin Stoner，佢係喺葛咸城出沒嘅反派Anti-Fate，而且同時都係精神病院嘅主任醫生。
網上圖片
導演就講到明如果觀眾喺《JOKER小丑》揾到彩蛋係錯嘅，佢就指可能係美術部門嘅工作人整蠱佢。
