【刀仔鋸大樹】《小丑Joker》盈利同《復仇者聯盟》差唔多？
最重要嘅係《小丑Joker》係冇得喺中國上畫，即係冇中國市場。
《Joker小丑》有機會為華納兄弟賺到5億美金，最神奇嘅係《復仇者聯盟3》同呢部作品賺嘅錢竟然係差唔多。
網上圖片
到26/10為止，《Joker小丑》己經喺全世界斬獲7億4500萬美金票房，電影講述由華堅馮力士主演嘅小丑嘅內心世界，點樣由一個邊緣人畀社會逼到發狂。呢部作暫時已經賺左4億美金6400萬美金，仲要不停咁增加。
網上圖片
因為呢作品冇乜太誇張嘅特效或者動作場面，所以就用左7000萬美金成本，咁同用左4億美金去拍嘅《復仇者聯盟3》相比算係小成本手作仔。
網上圖片
就算《無限之戰》拎到20億美金全球票房，但都係賺得5億美金，反觀《黑豹》就有4億7600美金利潤，《水行俠》就賺到2億6000萬。
網上圖片
根據《福布斯》報導，《Joker小丑》最後全球票房應會超過9億美，將會打破《死侍2》嘅7億8500萬嘅紀錄，成為史上票房第一嘅限制級電影。《福布斯》分析認為，《小丑Joker》最後票房應該會喺9億1500萬美金左右，要突破10億美金就有難度。
最值得留意嘅係，《Joker小丑》唔可以喺中國上畫，換言之就算冇左中國市場都好，DC一樣可以同MCU鉅製賺到咁多錢。或者《Joker小丑》可以畀全世界嘅創意工業從業員做參考，唔洗為某國家嘅觀眾度身訂造都可以賺大錢，只要作品本身質素好，人地搭飛機都會落嚟睇你部戲。
