Sony宣布2022推出《蜘蛛俠：跳入蜘蛛宇宙》續集
自己整個宇宙一樣掂，唔洗靠MCU。
網上圖片
早前蜘蛛俠風波搞到全球風雨，好多人都關心蜘蛛俠可唔可以繼續喺MCU發展，不過之Sony前年嘅動畫《蜘蛛俠：跳入蜘蛛宇宙》都大受歡迎，仲拎埋奧斯卡最佳動畫獎，最近Sony宣布左會製作續集，將會喺2022年上映。
網上圖片
Sony 喺Twitter公布，《蜘蛛俠：跳入蜘蛛宇宙》續集會喺2022年4月8日放映，但就未有講更多細節，只係擺左一個蜘蛛俠塗鴉標記，同埋「2022」嘅字。同時都未知新一集係唔係由原班人馬配音，相信遲下會公布更多細節。
網上圖片
有人就分析，上集片尾出現嘅 Spiderman 2099 可能會係重點劇情，同時都有好多影迷期待其他宇宙嘅蜘蛛俠會喺續集出現。而家《蜘蛛俠：跳入蜘蛛宇宙》已經係Sony嘅重要作品，呢部作品證明左其實蜘蛛俠唔洗加入MCU都一樣咁受歡迎，之至中有消息指Sony會製作以《蜘蛛俠：跳入蜘蛛宇宙》嘅世界觀為背景嘅其他動畫。等到2022年，我地就會知道Sony係唔係可以再次展示實力，話畀觀眾知唔洗靠任何人都可以省靚蜘蛛俠個招牌。
網上圖片
