【Ghost Adventures】二百年鬼屋驚凶 主持人實地拍完節目後大病近一個月
電影情節好可怕，但「真實」先係最得人驚。
相信好多朋友都鍾意恐怖電影，咁可能一般恐怖劇情片已經未必滿足到大家，旅遊頻道製作嘅節目《Ghost Adventures》可能會令大家滿意。《Ghost Adventures》2008年播出第一季，節目製作人探訪全球出晒名嘅鬼屋，節目嘅目的係為左探討各種嘅超自然靈異現象到底係唔係真。
網上圖片
到左今年嘅萬聖節特備集數，製作團隊去左世上最出名嘅鬼屋，美國嘅羅德島鬼屋，亦都係2013年由温子仁導演《詭屋驚凶實錄》嘅真實鬼屋。呢一集總共兩個鐘，製作團隊同主持人唔單止去左間屋拍攝、睇下靈異現象，仲會詳細追尋返由1736年開始，呢間屋到底發生咩事呢？
網上圖片
鬼屋苦主係喺70年代住喺度嘅Perron一家，喺佢地搬入去之前已經有另一個家族住左八代人，每一代人都發生過自殺、謀殺等嘅慘劇，成個家族就好似受左輪迴詛咒，比起電影劇情更加可怕。
網上圖片
最可怕嘅係，主持人Zak Bagans拍完節目之後足足病左三個星期，佢表示完全感受到呢間屋有邪惡嘅力量，令到自己生命慢慢枯萎。其他工作人員都覺得間屋好古怪、兼有一道令人覺得唔舒服嘅氣場。不過，唔係咁樣就會令人驚左間鬼屋，今年夏天有一對夫婦買左呢間屋。
網上圖片
呢對夫婦相當沉迷超自然現象，佢搬左入去之後怪事連連，例如成日聽到奇怪腳步聲、幅畫喺牆上面跌落嚟。但呢啲靈異現象令到佢加鍾意呢間屋，佢地仲會開放物業畀遊客參觀。如果大家睇完節目之後覺得唔夠喉的話可以飛美國參觀下。
網上圖片
