【JOKER小丑】幕後花絮照曝光 小丑筆記暗藏彩蛋
所有彩蛋都係為左新版《蝙蝠俠》熱身。
網上圖片
華堅馮力士主演嘅《JOKER小丑》，自十月上畫以嚟全球票房超過9.3億美金，睇嚟可以挑戰10億票房。早前導演托德菲臘斯喺社交媒體POST左多張花絮相，其中一張相仲收埋左DC迷一定會識得嘅角色。有網友睇到之後就認為呢部電影一定要納入DCEU入面。同一時間，新版《蝙蝠俠》都有新消息傳出。
網上圖片
《JOKER小丑》上左畫咁耐都仲係咁受歡迎，有影迷好想知嘅故事到係真定係幻想、另外仲有觀眾思疑小丑嘅鄰居Sophie Dumond會唔會畀佢殺左。導演見到觀眾有咁多問題，佢都會有求必應經常開聲回應問題。唔少影迷都要求公開加長版，但導演就話公映版就係佢想要嘅作品，所以佢永遠都唔公開刪剪片段。
網上圖片
導演公開左十張花絮相，除左見到華堅同導演喺片場做嘢嘅相之外，其中一張相仲會見到小丑喺筆記上面寫左嘅笑話，仲畫埋貓女喺入面。雖演導演講話唔會有彩蛋，但實情就係成地都係彩蛋，所以有影迷就覺得部電影應該要出續集，要發展成小丑宇宙。
網上圖片
既然《JOKER小丑》有咁好成績，DC當然食住個勢加緊籌備《蝙蝠俠》，基本已經定好晒演員卡司，由Zoë Kravitz飾演貓女，Paul Dano做謎語人。同埋早輪有外媒聲稱，華納想揾奧斯卡影帝修麥康納希飾演雙面。左謎語人同雙面人之外，其他反派都會喺新版蝙蝠出場，包括：傳毒藤女（Poison Ivy）螢火蟲（Firefly）及稻草人（Scarecrow）。
