史提芬京事隔32年重寫《閃靈》續集《安眠醫生》 其實係因為一隻貓？
唔怪得咁多貓奴。
網上圖片
「安眠醫生」（Doctor Sleep）係Danny大個左之後喺療養中心嘅外號，佢運用自己天生嘅特殊能力，同臨死嘅病人傾偈，就可以令佢地瞓着覺，安詳離世。
網上圖片
《安眠醫生》嘅靈感來源其實係源自一隻貓，史提芬京有日睇到一單新聞，內容講述美國某間醫療中有一隻可以預知生死嘅貓，佢會喺病人臨過生之前幾個鐘，跳上病床同瞓病人隔離，陪住病人同家屬度過最後人生最後嘅時刻，而呢隻貓成為中心嘅預警糸統。於是呢單新聞令史提芬京諗到一種叫閃靈嘅超能力，佢創作出《安眠醫生》嘅故事雛形。
網上圖片
Danny同阿媽Wendy經歷過全景飯店血案之後，就決定展開新生活，但原來只係另一個惡夢嘅開始。Danny因為擁有閃靈超能力，招惹惡靈纏身，為左減輕痛苦，佢選擇用酒麻醉自己，但做左酒鬼令到人生陷入低谷。
網上圖片
之後Danny去左一間療養中心打工，佢同一隻叫「艾奇」嘅貓一齊，先至發現原佢嘅能力幫到臨過生嘅病人。當「艾奇」坐喺病人隔離嗰陣，即係代表病人就快死，Danny嘅閃靈能力可以令到病人好舒服咁瞓著，跟住Danny用閃露能令到病人安詳過生。Danny只會係呢個時候先會用閃靈能力，佢亦因為咁樣而得到安眠醫生之稱。
網上圖片
閃靈能力一直折磨住Danny，佢成日都會見鮮血同謀殺嘅場面，搞到佢精神脆弱。之後佢仲遇到一樣有閃靈能力嘅女仔Abra，佢嘅能力仲強大過Danny，之後引起專吞食閃靈者精氣嘅Rose the Hat注意。喺呢個時候，Danny有辦法逃避過去，決心同Abra一齊反抗邪惡勢力。
網上圖片
