【Netflix動畫】《十二大戰》十二生肖互相撕殺

Leng Zai @ UPower

總有一隻生肖啱你心水。

網上圖片

喺2017年推出嘅《十二大戰》最近登錄Netflix,劇情講述每隔十二年就會搞一次殺手對決,呢場對決雲集左世界最強嘅十二個殺手,每個殺手都代表左一種生肖同一個「地支」,即係由「子」到「亥」,呢場對決嘅勝利者就可以實現一個願望。

1.「丑牛」

網上圖片

佢係今次對決嘅大熱門,人稱為「趕盡殺絕嘅天才」,佢只會用一把軍刀就可以喺戰場上來去自如,五歲第一次打扙上陣就已經殺晒所有敵人,成為一個冷血僱傭兵。佢願望係「獲得助力」。

2. 「寅虎」

網上圖片

表面上睇落佢係一個着住虎紋,戴住貓耳頭飾嘅女仔,但當佢飲左酒之後就會變成一隻老虎,佢精通徒手格鬥,係醉拳、虎拳嘅高手。佢因為「丑牛」而參加呢場對決,背後有咩原因呢?佢嘅願望係「行正義之道」。

3.「卯兔」

網上圖片

佢係一個變態殺手,身為一個男人但係又會以兔女郎裝扮登場,佢武器係兩把開山刀,睇落冇乜特別,但其實佢可以殺死對,再操控屍體做自己嘅傀儡,叫做「rabbit聯盟」。佢願望係「獲得朋友」。

4.「辰龍」、「巳蛇」

網上圖片

因為龍同蛇外形好似,所以佢地係孖生戰士,一個用冰凍噴射器,另一個就用火燄噴射器。辰龍有飛翔能力,巳蛇可以透過地面嘅震動去掌握周圍嘅情況。辰龍嘅願望係「咩都唔想要」,巳蛇就係「要錢」。

5.「午馬」

網上圖片

呢個角色喺動畫冇乜戲份,佢用化學方法練成堅硬身體,佢嘅招式「鐙」成為超越人體嘅最硬淨嘅防禦術,不過佢最後死得非常蠢。佢嘅願望係「獲得才能」。

6.「未羊」

網上圖片

佢係惟一一個第一次參加「十二大戰」嘅殺手,佢原本係一個武器商人,但因為成日畀人超尾注成為一個殺手,最擅長爆破。佢喺第九屆大戰贏左冠軍,同埋實現左佢「想抱孫」嘅願望。今次佢擔心個孫會畀人揀做戰士參賽,所以再嚟參加大戰。佢嘅願望係「獲得時間」。

7.「申猴」

網上圖片

佢本身係一個談判專家,佢嘅武器係停戰談判同埋和平方案,喺參戰之前就已經解決唔同國家之間嘅紛爭而出晒名。佢嘅願望係「想要和平」。

8.「酉雞」、「戌狗」

網上圖片

酉雞睇落去好似比較柔弱,但其實酉雞係一個間諜,佢好輕鬆就殺左戌狗。酉雞嘅特技係「鷹覷鶻望」,可以同天上嘅雀仔共享視覺。

9.「亥豬」

網上圖片

佢出身自殺手名門,係上屆十二大戰冠軍嘅女,因為十二年前老竇決定將參賽資格讓畀個妹,之後亥豬用十二年殺死阿妹,搶返出賽資格。佢武器係兩支大機槍,技能係無限子彈。佢願望係「獲得愛」。

10.「子鼠」

網上圖片

佢嘅技能係「百點滑鼠」,咁就唔係就咁放一群老鼠出嚟殺人,而係要喺腦入面模擬100種可能會發生嘅情況,之後再㨂一個選項,但每發動一次技能,佢一定要喺腦入面經歷一次成個場境,搞到好大負擔,所以佢成日都會想瞓覺。佢幻想左99次呢場大戰嘅結果,最後都係會死,咁佢最後一個結局到低會係點樣呢?佢嘅願望係「發個好夢」。

Facebook Conversations