《老友記》重組出新劇 當年有份客串演出嘅三大男星
當年個個都好後生。
網上圖片
經典神劇《老友記》播出到而家相隔二十年，多年以嚟到吸引到唔少人談論，珍妮花安妮絲頓（Jennifer Aniston）開左IG帳戶，第一張上傳嘅相就係《老友記》六個主角嘅合照，即刻引起熱議。早前珍妮花上清談節目受訪嗰陣就被問到《老友記》六位主角會唔會再次重登螢幕，佢講明其實冇乜可能拍《老友記》續集，但係就有六個一齊合作嘅計畫，相信一班《老友記》影迷都會好期待。
《老友記》播左十季，揾左唔少巨星客串演出，今次精選三位客串過《老友記》嘅男星，畀大家回憶一下。
1.畢彼特 （Brad Pitt）
網上圖片
畢彼特飾演珍妮花嘅中學同學，劇情講述畢佬讀緊中學嗰陣係個肥仔，成日畀珍妮花恰，大個變靚仔之後仲係好憎珍妮花。嗰陣畢佬同珍妮花結左婚，之後畢佬拍完《史密夫決戰史密妻》就同珍妮花離婚，轉為同安祖蓮娜祖莉結婚。
2.布斯韋利士（Bruce Willis）
網上圖片
動作巨星布斯韋利士一改硬漢形象，客串飾演三集《老友記》，雖然戲份唔多，但都提名到當年艾美獎最佳客串演出。
3.佐治古尼（George Clooney）
網上圖片
當年憑藉《仁心仁術》一炮而紅嘅佐治古尼，喺第一季《老友記》都有份客串演出，佢飾演一個靚仔醫生，搞到珍妮花嗒晒糖。
