【沙贊】《Black Adam》獨立電影2021年上畫 狄維莊遜公開造型相
年頭講到而家，官方終於肯確定消息。
DC電影《沙贊！神力集結》叫好叫座，一早就肯定會拍續集，沙贊嘅敵人Black Adam都會拍埋獨立電影，由巨星狄維莊遜主演。
網上圖片
其實喺《沙贊！神力集結》之前，傳言華納已經計劃Black Adam加入DCEU，仲一早揾埋狄維莊遜去主演。The Rock仲成日公開話好想做Black Adam，但係華納就一直都拖住佢啲時間，遲遲唔肯公開確認開拍。
網上圖片
不過早前狄維莊遜喺社交媒體上載Black Adam嘅造型相，同沙贊嘅閃電標誌同披肩嘅造型好似樣，但係就同漫畫嘅黃黑色唔一樣，真人版造型更具殺氣。狄維莊遜仲搶先公開《Black Adam》會喺2021年12月22日上畫，係DC第三部喺2012年上畫嘅作品。（第一部係《蝙蝠俠》，第二部係《自殺特攻2》)
網上圖片
Black Adam原名叫Theo Adam，佢係沙贊嘅前世，同時係古埃及王子，同主角Billy Batson一樣受到沙贊邀請接受力量。但係Black Adam睇中左沙贊個女Blaze，搞到自己墮落黑化，最後畀沙贊封印左喺聖甲蟲入面。
網上圖片
所以Black Adam係同沙贊擁有同樣強大嘅能力，包括：所羅門嘅智慧、海格力斯嘅戰鬥力、阿特拉斯嘅耐力、宙斯嘅力量、阿基里斯嘅無畏，仲有墨丘利嘅速度。而且Black Adam本身係好打得嘅古埃及王子，實戰能力只然比起心智年齡仲係細路仔嘅沙贊更高。
網上圖片
今次嘅電影《Black Adam》仲未公開故事內容，但唔少網友估可能係前傳電影，講返王子Theo Adam變成Black Adam嘅故事，到左《沙贊2》先由上集嘅反派Doctor Sivana解封聖甲蟲，召Black Adam重返現代，成為沙贊最強反派。（《沙贊2》緊接《Black Adam》嘅上映日期）
