年輕全職媽媽被貶稱「媽蟲」 孔劉拍戲首聞歧視用語超震驚
《82年生的金智英》真係說出好多媽咪心聲~
好多人以為家庭主婦唔洗返工好舒服，人地擘大眼就湊仔洗衫抺地煮飯。老公收工返屋企坐定定喺度打機睇電視，老婆繼續洗碗湊仔，邊有得收工？如果老公臨瞓前想搞造人工程的話，主婦就連覺都冇得瞓。
韓國男神孔劉休息三年再拍主演新作《82年生的金智英》，佢話因為拍呢部電影先知道一個貶低女性嘅網絡潮語，令佢覺得好離譜，仲問「真係有人咁講？」
網上圖片
《82年生的金智英》係改編自韓國同名暢銷小說，，由孔劉與鄭裕美主演，道出韓國女性喺日常生備受各種歧視同不公平待遇。不論係小說定電影喺當地都引嚟熱話，原著小說嘅創作靈感係源自近年韓國網絡上，用嚟踩低歧視年輕全職媽媽嘅網絡潮語「媽蟲」。
網上圖片
韓國人覺得家庭主婦冇生產力，淨係煮飯湊仔，吸食老公嘅血汗錢就可以舒服過生活。一班韓國毒撚就發明「媽蟲」呢個潮語去形容家庭主婦，搞到現實社會嘅人都咁樣稱呼一班全職媽媽。
網上圖片
孔劉表示拍呢部戲先知道有「媽蟲」呢個詞語，佢表示好難相信真係會有人咁講。喺韓國因為有人鍾意原著小說而受到網民攻擊，孔劉強調每個人嘅生活環境、價值觀都唔同，單方面去批判其他人係毫無價值。佢希望觀眾可以企喺電影主角「金智英」嘅角度，去感受下周圍生活同自己嘅社會。
網上圖片
孔劉曾經主演過揭發社會黑幕嘅《無聲吶喊》，唔少人認為佢極具社會責任感，佢謙虛地表示演員係佢嘅職業，向觀眾傳達自嘅內心情感係演員嘅責任。佢又話拍緊《82年生的金智英》嗰陣，身邊好多人都同佢講話好危險，但佢認為自己其實都比唔上「真勇武」，即係真係有行動嘅人。
網上圖片
不過，佢話可以認為同自己唔一樣嘅事物，都係好勇敢。佢話拍完《82年生的金智英》之後令自己諗得更多。佢認為自己有不足同冷淡嘅一面，但仍然對社會有最細嘅期望，呢個後盾係源於接納同自己唔一樣嘅勇氣。
