【歷史與電影】福特高層為影宣傳相搞到傳奇車手健邁斯痛失冠軍？
現實比電影更荒謬。
荷李活猛片《極速傳奇：福特決戰法拉利》大受好評，兩大男星麥迪文同基斯頓比爾首度同台演出，電影由《盧根》導演占士曼高執導。電影早前喺多倫多國際電影節大獲好評，故事改編自真人真事，講述英國傳奇車手健邁斯同美國車手卡羅雪比點樣幫福特喺法國「利曼24小時耐力賽」鍊贏法拉利。電影情節高低起伏，結局出人意表。不過真實歷史似乎更加似戲劇。
網上圖片
《極速傳奇：褔特決戰法拉利》當然係一部賽車電影，但其實唔淨止得賽車場面，兩大男星大鬥演技，仲有車廠之間嘅管理層權鬥，兩個半鐘都唔覺悶。
網上圖片
電影劇情講述美國車手卡羅雪比 (麥迪文 飾)因為心臟問題冇辦法繼續賽車，最後黯然離開賽道。之後佢轉行做汽車設計，決心要幫福特設計出最快嘅跑車，佢仲極力推薦最好但亦都係最難搞嘅英國車手健邁斯 (基斯頓比爾 飾)，兩個人齊心挑戰突破速度極限同埋權力鬥爭，終於喺1966年成功喺「利曼24小時耐力賽」贏左法拉利，中斷對方連冠紀錄。
網上圖片
真實歷史嘅健邁斯係相當傳奇，佢1918年出世，後生嗰陣喺引擎製造公司做學徒，打過二戰嗰陣喺軍隊擔任坦克指揮官，喺打仗之前已經參加過電單車比賽。
網上圖片
戰後佢全程投身賽車運動，佢曾經用自己設計嘅跑車連贏十四次SCCA賽事，去左卡羅雪比嘅團隊之後，佢都有份做工程設計。喺1966年嘅「利曼24小時耐力賽」，本來健邁斯去到最後一刻都係領先緊，不過福特高層Leo Beebe想影到三部福特跑車一齊衝線嘅宣傳相，所以叫健邁斯揸得慢啲，畀後面兩部福特追上嚟。雖然呢件事好離譜，但係福特車廠因為咁而聲名大噪，最後大會指第二名嘅GT40喺更加遠嘅地方起步，最後同健邁斯嘅名次互調，搞到冠軍變亞軍。
網上圖片
健邁斯同Mollie結婚，有一個仔Peter Miles。健邁斯喺1966年試車嗰陣意外過生，當時佢個仔就嚟十五歲，喺電影都有重現呢段人生結局。
網上圖片
至於卡羅雪比喺1923年出世，7歲確診心臟瓣膜病，佢喺佐治亞理工學院主修航空工程，二戰嗰陣成為美國陸軍航空兵，打仗嗰陣擔任飛行教練同埋試飛員。
網上圖片
原本卡羅雪比只係業餘賽車愛好者，參加一場朋友舉辦嘅賽事先開始將賽車變成事業。1959年佢仲贏埋法國勒芒24小時耐力賽冠軍，登上事業顛峰。
網上圖片
卡羅雪比一生人結過七次婚，最短試過幾個星期就離婚，佢仲公開講過喺第一段婚姻嗰陣同某荷李活演員偷情。因為佢為人咁「多情」，難怪會離七次婚。最後佢喺2012年過身，享年89歲。
網上圖片
