【世紀惡搞】當Irish Man遇見Iron Man 《鐵甲愛爾蘭人》不日放映
黑幫加超級英雄有得搞喎。
早排大導演馬田史高西斯批評MCU作品「係主題樂園嘅一部份，唔係電影」搞到全球風雨，同時有唔少重量級導演都回應自己睇法，包括吳宇森、哥普拉。最近大師上清淡節目（Jimmy Kimmel Live）宣傳新作《愛爾蘭人》，節目專程製作左一條惡搞短片，號稱馬田史高西斯破天荒同Marvel合作，片名叫做：「《愛爾蘭人》遇上《鐵甲奇俠》」。
網上圖片
呢條短片惡搞《愛爾蘭人》嘅預告︳片頭寫埋馬田史高西斯個名，直接出埋Marvel嘅經典標誌。片段講述羅拔迪尼路得到超級力量，由「Irish Man」變成「Iron Man」，費局長仲想叫佢加入復仇者聯盟。
網上圖片
另一個重量級男主角阿爾柏仙奴就化身成變型俠醫，美國國旗變埋做意大利旗，羅拔迪尼路版本嘅鐵甲奇俠變身一件Green object從天而降，最後出埋綠色《鐵甲奇俠》嘅片名，最後連Netflix 個標誌都變埋綠色物體。
網上圖片
之後主持人Jimmy訪問埋馬田，但係就唔再傾Marvel，可能呢條惡搞短片已經解決左雙方嘅矛盾，大家冇壓力解決左。
網上圖片
《愛爾蘭人》會喺11月27日正式上架 Netflix。
